真高興呀!!!
今朝收到屋企樓下間幼稚園打嚟, 等左成個幾兩個月嘅電話, 終於等到喇!!!
學校話因為上午班未有位, 所以而家只可以安排下午班比我!
得! 得! 得! 更係得啦! 只要入到, 上午下午都唔緊要喇!
我咁鐘意呢間學校, 原因係因為佢有十幾個外籍老師, 因為我鐘意西人! 第二, 呢間學校攪得好似都唔錯, 因為好似都幾多活動! 第三, 聽聞呢間學校個校長人面廣, 派d小學都唔錯! 第四, 就係因為係正屋企樓下, 校巴都唔使答, 滕滕又可以晏好多起身, 咁車費真係慳番唔小!
呢次真係安落晒! 計計埋埋, 我真係擔心左成幾個月架!
養兒一百歲，長憂九十九。
回覆刪除[版主回覆07/20/2012 09:57:08]如果九十九都未死, 就真架!
very good
回覆刪除開心屎你啦
其實近重好啦, 都唔明d 人係都要讀名校, 長途跋涉, 細路又辛苦, 大人重辛苦(因為重要同佢唸功課...一日一iq 題你都咪話唔死)。
[版主回覆07/20/2012 16:23:37]咁嗰d太遠嘅, 就真係超級辛苦囉, 而本身嗰間, 如果打的去都係10-15分鐘, 唔算好遠, 只不過係唔放心個工人湊啫!
而家咁近, 其實真係都幾好, 因為起碼可以比滕滕最少瞓到八點先起身, 唔使好似之前咁7點3就要摷佢起身咁慘囉!