啱啱呢個星期日, 亞媽同我老豆入左嚟我到食飯, 食食下飯, 我就同佢講, 嚟緊呢個星期日番屋企食飯, 因為亞dee放假(呢樣嘢, 我冇講, 不過應該諗到諗到, 如果唔係, 我一個人點番去呢), 不過當時, 亞媽個反應就望一望我, 然後講: "吓, 星期日, 唔星期日得唔得呀, 有經學班喎!"
亞媽! 你逢星期三、六, 已經番彿當, 再加埋d初一、十五, 又要番, 而且初一、十五嘅之前嗰一、兩日又要番, 同埋又再加埋呢乜誕乜誕、 乜節乜節、乜誕乜節之前一、兩日你又要番, 咁我想問下, 你幾時會搬去彿堂到住呀???????????????????
我成日係到諗, 唔通你有你嘅信仰, 我都要干涉你咩, 但係, 我地話番嚟食飯, 你居然話唔好, 可唔可以改第二日???? 以前未生, 都話就得到就就, 自己一個番, 唔使就亞dee, 但係, 而家點就你呀, 我帶埋滕滕番嚟, 就唔係可以任何時間都得架嘛! 好似舊年細佬生日, 你又話要番彿堂, 我真係好想問, 你唔番, 彿堂係唔係踢你出會呀????????!!!!!!!
好啦, 最終都係冇答案, 因為我老豆話, 你唔使理佢, 佢都痴線嘅, 番彿堂佢就飽架喇! 所以大家冇一個真正嘅答案, 因為大家都共識左, 星期日係照番!
不過, 亞媽今晚打嚟, 又問改唔改下個星期日, 因為佢下個星期日燒衣喎! 哎呀..............亞媽, 乜你仲未死心咩!!! 你明唔明呀, 下個星期日, 亞dee要番工呀, 我點樣一個人出嚟呀, 又要攞尿片, 又要攞奶樽, 又要攞凍水、熱水, 又要攞被、衫仔, 又要攞bb車, 我點攞咁多嘢呀!
我真係未聽過d仔女番亞媽到食飯, 個亞媽會話唔好, 可唔可以改第日!
亞媽, 真係比你吹到啤啤聲!!!!!!!!!!!!!!!!!!!!
咁你亞媽都算經典喇，不過你有無問過你亞媽，可唔可以唔返一次黎就返你呀?
回覆刪除[版主回覆08/13/2009 22:21:00]我亞媽最終都會就我地嘅, 因為我成日炸佢型, 話要跟佢番彿堂問下佢d道友, 係唔係叫d道友唔好理屋企, 有時有節就一定要番彿堂!
但係, 佢成日都係彿堂就真係好反眼囉, 打比佢又唔聽, 搵佢又搵唔到..........比佢吹到啤啤聲!!!
哈哈，起碼你知道佢係佛堂，而唔係去浦啦~~~
回覆刪除[版主回覆08/13/2009 23:30:00]我寧願佢去浦喇........
去浦搵唔佢仲驚，既然亞媽都有就過你，咁就算啦。
回覆刪除[版主回覆08/14/2009 21:57:00]佢唔可以唔就我地囉, 只要我地講一句: 係唔係以後我地有 function 都唔使預你先?! 跟住佢就好唔 alike咁講: 得喇, 得喇, 唔去喇, 你滿意未呀!!!
好彩你媽咪都係講道理的人咋
回覆刪除[版主回覆08/15/2009 09:16:00]其實佢越老就越唔講, 以前好d架, 不過可能真係而家老左啦........
阿媽都還可以話下她,但是奶奶就好難話她啦,你話她一定比她省到飛起!
回覆刪除我阿媽難頂,但奶奶簡直超難頂,對多一日都想死!
[版主回覆08/18/2009 12:47:00]如果頂唔順, 奶奶都照講啦, 因為費事佢越嚟越過份呀!
好似好奶奶嚟我到, 嚟咁耐就抱咁耐, 攪到早嗰輪我地番到去, 個囝就成日要抱, 跟住我都頂唔住頸同佢講左, 如果bb唔嘈, 就唔好抱佢咁多, 因為個工人唔係成日同你抱住個孫架嘛, 人地都要做嘢架!