今日, 真係可以真真正正咁放下假, 因為而家嘅星期六真係好似冇放過假一樣, 因為有時就去聽講坐, 有時又有朋友嚟, 有時又要番工, 有時又要應酬我老闆!
所以今日係幾舒服嘅情況下, 可以輕鬆咁湊下滕滕, 姐姐有時又幫下手!
就係今日, 我終於聽到滕滕係到喊, 係喊: 亞媽....哇....哇....哇....亞媽.....哇....哇....哇....., 唔係一次, 係幾次! 唔知係佢真係叫我, 定係佢呢期鐘意咁叫, 因為佢呢期已經冇再 un估估喇, 而係鐘意咁叫!
中午, 約左梓祐同嫲嫲飲茶, 因為特登就梓祐一陣番學, 所以就去近佢學校附近嗰間到飲! 梓祐著左套校服出嚟, 一見到佢, 就覺得, 佢真係大個仔喇, 唔再係以前嗰個黃 lay lay, 睇見佢,就覺得自己老左, 因為佢已經讀中一喇! 企埋嚟我到, 以前我會揇住佢, 鍚佢一啖, 而家呢, 佢高過我, 我拖住佢, 佢隻手就已經好似大過我嗰隻喇...........
梓祐, 你已經大個仔, 好多嘢你已經識得去辨別咩係啱, 咩係錯, 如果有時你覺得受到委屈, 唔公平, 你應該要出聲, 唔可以好似以前咁死忍, 因為我唔想睇到你唔開心, 成日比個乞e"恰"你!
你個仔咁快識叫"媽媽,媽媽"喇，真係恭喜晒呀，會唔會係資優兒童呀?
回覆刪除[版主回覆08/31/2009 14:25:00]佢諗佢真係唔係識叫囉, 只不過撞彩啫, 如果係, 就真係多謝發明奶粉嘅人喇, 食到d BB咁堅!
食日本奶粉呀?
回覆刪除[版主回覆08/31/2009 14:45:00]係呀, 食日本奶粉真係好堅! 唔單止d B醒, d皮膚仲由黑變白....嘩, 幾勁呀!
咁神奇?唔怪之得個個媽媽都搶住買日本奶粉啦
回覆刪除[版主回覆08/31/2009 15:16:00]呢個都唔係原因之一, 原因係, 我信日本仔d規格嚴謹d囉!
香港牌子都無信心?不過日本牌子好貴呢~~~
回覆刪除[版主回覆08/31/2009 20:30:00]唔係呀, 自從三咩青安之後, D 日本奶粉同香港奶粉差唔多咋, 如果上網訂, 有時仲平D潻架!
食日本牌子啲bb精靈啲呢~~~
回覆刪除