點解我朋友講過想搵、想買嘅嘢, 我會咁上心, 去到邊到會幫佢地睇下有冇?
但係, 點解我講過想買嘅嘢(只係一d好平嘅嘢嚟啫), 我d朋友一d都冇擺係心, 成日見到、經過都冇幫我買嘅? 我都講明, 係幫我買, 唔係送比我啦!
點解我送比我朋友嘅一點心意, 佢地會當係寶? 因為我心事細如塵, 知道佢地所需!
但係, 點解我嘅心意, 講左出嚟, 都冇人氹下我開心?!
點解我搵到d 平嘢, 就送晒比d好朋友!
但係, 點解我d朋友冇人益下我呢?!
點解我d朋友成日同我講, 去邊去邊食飯唔就腳!
但係, 點解我d朋友又唔諗下就到你, 就就唔到我, 咁唔係淨係你唔就腳啦!
究竟係我d朋友冇當我係朋友, 定係平時我過份容忍佢地呢?!
佢地又唔係唔當我係朋友, 只不過可能係因為我自己過份付出啫! 我都知做朋友唔好太計較, 但係有時, 我都想, 我朋友行過街, 見到嗰樣嘢我係搵緊嘅, 幫我買左佢, 咁我就已經好開心, 因為我知道我呢個朋友有將我放係心到囉! 我對人好, 就自然想人地對我好, 但係只係得自己有心, 人地冇心, 我就會卻步, 因為唔可以只求收獲, 不求付出! 如果既然你係咁, 就ok囉, 我知點做架喇!
我都有朋友這樣的!以前不覺得什麼事的,但老公提醒了我,我記得以前,我生日無人記得,但他們生日就叫我幫他們慶祝,好不公平的,有時真是你當他們是寶,他們當你是草!
回覆刪除可能以前自己的執著吧,現在心中放開一些,很多事情都可以淡化了!
[版主回覆09/02/2009 14:23:00]我老公都係叫我放開d, 朋友始終係朋友, 但係有時我都不自覺咁做左, 自己都唔知.......
冇嘢嘅, 只係想發洩下, 因為有陣時自己唔係成日都可以買到嘅嘢, 叫人買, 都冇人可以幫到我啫!
你有什麼買不到架?有無什麼可以幫到你呀?
回覆刪除[版主回覆09/02/2009 17:42:00]我想買嗰d 嘢, 並唔係必須嘅, 只係買定預防嘅咋! 因為我住新界, 而家一放工就上車, 都冇幾會經過d小販檔!
真係好多謝你, 只係識左你一陣, 你就咁helpful.....第日生左, 搵你出嚟見下面啦!