今日食完飯之後, 工人姐姐打電話嚟, 話滕滕d手手腳腳比虱咬左好多到, 於是, 我就早左一個鐘番屋企, 睇下究竟使唔使同佢去睇醫生, 因為聽工人姐姐講, 好似真係好多到都係!
好啦, 早走左一個鐘頭10分鐘, 係因為我唔想搭5:20嗰班冇冷氣嘅巴士, 因為呢幾日真係熱到嘔, 仲要坐成個鐘嘅冇冷氣巴士番屋企真係好難頂, 所以再早多10分鐘, 希望之前嗰班車有冷氣啦! 係到等緊車之際, 有個女人行近我, 問我點解咁耐仲未有車, 又問嚟緊呢班車有冇冷氣! 嘩, 唔係嘛, 又冇冷氣, 我早走多小小, 係因為唔想坐冇冷氣嘅巴士咋, 如果真係冇就真係大寧樂啦! 話口未完, 架巴士就嚟喇............oh, my god, 真係冇冷氣!!!!! 唔上, 等多成15分鐘都係冇冷氣, 而家上車, 都係冇冷氣, 咁唔通再等多成15分鐘+15分鐘先上車..............嘩, 唔好喇卦, 齋企係到等車都出水, 仲等!!!
上左車之後, 嗰個女人就坐左係我後面, 跟住就開始左我地嘅對話, 一路傾, 一路傾, 就傾到番到屋企落車為止, 仲交換左電話潻! 讀中學開始, 我就已經知道我個樣生出嚟係唔友善嗰隻嚟, 而直接d, 我個樣跟本係黑人憎嗰隻, 所以我從來就未試過有人好似呢個女人咁, 咁主動同我傾計! 所以係呢程車裹面, 我可以比較輕鬆地去過呢一個鐘嘅車程, 因為我個心只係諗住滕滕, 滕滕, 滕滕.............
原本都諗住去睇醫生架, 但係番去途中, 嫲嫲打電話嚟, 佢話唔使下下都要去睇醫生嘅, 不如試下換下d床單, 晒下佢,睇下咩環境啦! 就係嫲嫲講左呢一句話, 我就改變左我嘅行程喇! 一番到屋企樓下, 買左兩罐嗰d 咩滅虱劑, 我地出左去避左兩個鐘之後, 就番去換床單, 滴露抺過晒滕滕會掂到嘅嘢................攪下攪下, 成1點先瞓.................
咁你都好nice啫，邊似得我咁臭寸呀
回覆刪除太陽係最強嘅武器，勤啲換床單啦
[版主回覆08/23/2009 19:02:00]我本身個樣真係好唔 nice 架, 任何人唔識我, 跟本係唔會同我講嘢先! 不過, 我覺得生左之後, 個樣好似和善左, 因為今日又有個亞婆同我講嘢喇, 比著以前, 未試過囉!
其實講起 d 虱, 我真係有d內疚, 因為我諗係d紙皮囉! 係個新雪柜d紙皮, 因為我諗住樓下有時有d車係收紙皮架嘛, 幾蚊都好啦, 所以就等等等囉.......而家掉左喇!
可能bb改變咗你呀，對住bb就笑，笑得多，自然慈祥啲啦
回覆刪除[版主回覆08/23/2009 23:44:00]佢就更係改變左我啦, 我以前最鐘意嘅電視, 而家都冇得睇咁济囉......晚晚食完飯, 沖完涼就開始同佢玩, 有時間中都可以上下網, 但係電視劇就冇我份囉!