尋日同個朋友係大陸做廚柜, 嘩, 真係平到你估都估唔到, 上下都有廚柜, L 型, 9尺x 6尺半, 咁大都係6千7蚊, 你話係hk都邊到可以搵到呢, d款仲要係唔"娘"架, 所以睇下佢收貨嗰時係點, 第日都可以考慮考慮!
不過就係因為同個朋友整佢屋企d傢私, 所以成12點幾先番落嚟, 連夜晚餐奶都喂唔到, 幾鬼卦住呢個肥滕滕先得架, 我而家真係感受到歸心似箭呢樣嘢喇!
肥滕滕, 尋日媽咪真係無時無刻都好卦住你架, 如果唔係係大陸, 我一定用個電話上網嚟睇下你, 睇下你有冇曵, 睇下你有冇瞓覺, 睇下你有冇懵成成.............
母愛氾濫~~~哈哈哈~~~
回覆刪除[版主回覆08/13/2009 12:31:00]我本身已經好鐘意小朋友架喇, 再加上而家生左, 就簡直係痴左線啦! 哈哈哈哈.......
大陸東西是比較平架!不過就真是太遠啦!
回覆刪除那麼喜歡小朋友,快些準備再生多一個啦!哈哈........
[版主回覆08/18/2009 13:06:00]如果我朋友d廚柜整完出嚟嘅效果係好, 都可以考慮下, 因為係hk價錢嘅30%喎, 真係平到發癲呀~
其實我地都好想生多個, 可能出年啦, 要計劃下!