包中碼片都就嚟用完喇, 朋友送嗰d 都冇晒喇, 所以係時候開始買尿片喇! 不過, 睇下睇下, 滕滕可能要換大碼size, 因為我發現佢嗰兩隻肥肶有印, 可以條片"cool" 得緊, 所以今日拆左包大碼試試!
果然不出我所料, 大碼真係幾好, 雖然可能有小小小鬆, 但係應該都係時候用大碼喇........大碼, 話咁快就換大碼...........個半月就換左細碼, 3個月就換中碼, 而家5個幾月, 就換大碼......唔係嘛, 會唔會快過頭呢, dr話佢唔係大size 嚟架喎, 定係我錯呢..............?
人地話女仔鐘意咋嬌, 不過原來男仔都會, 每逢星期日, 我都全職湊呢個滕滕豬, 而呢個滕滕豬就逢星期日都曵d, 個樣成日都好似好可憐咁.......我想抱抱! 不過, 算啦, 每逢夜晚我地食完飯, 沖完涼, 佢就開始扭計, 要由9點幾同佢玩到成10點幾, 跟住就食奶, 每日都係咁, 唔爭在星期日都係咁.........佢跟本就擺明睇我住我地嚟咋!
但係, 有樣嘢就真係好攪笑嘅係, 佢飲完奶, 我抱住佢, 每錫佢一啖, 佢就好似電視情節咁, 每次都合埋眼, 比你鍚, 錫完佢就打開眼睛, 對住你笑.......真係頂佢唔順, 你估拍戲(女主角)咩!
軒軒, 你估下你會比媽咪鍚到你幾多歲, 9歲? 10歲? 11歲? 一路都鍚? 定係有左女朋友唔比錫先??? 你個梓祐表哥都比我錫到成10歲, 咁你呢? 你估你大個左, 有左老婆, 會唔會都好似爸b咁樣, 係咁錫嫲嫲呢?!
你都諗到好長遠喎~~~
回覆刪除[版主回覆08/25/2009 11:14:00]都係架, 因為話咁快而家都三十多(都係多小小)喇, 話唔埋好快就60啦! 以前聽到d人叫"嗰個女人", "女人"就覺得好老先叫女人, 而家, 自己都比人叫女人啦, 幾唔想, 不過唔想都冇辦法!
生埋仔都唔想人地叫你做女人?咁叫你媽咪喇，又sweet又nice~~~
回覆刪除[版主回覆08/25/2009 12:59:00]女人......太老喇, 都係叫小姐好d! 媽咪, 都得, 不過都未係太慣!
bb話我大個仔啦!要穿大碼的片片啦!
回覆刪除你個bb真是很嬌嗲,我很喜歡呀,我都好想明年快些到來,寶貝bb出世後我就可以每天都錫他啦!很祈待!
[版主回覆08/26/2009 16:07:00]我個囝真係好嗲, 嗲到有d頂佢唔順.........哈哈哈