生日飯~

今朝一早收到扎花, 幾鬼開心! 大家正正係到講緊我老公咁浪漫時(我冇講), 一睇, 原來係一個傻婆送比我架!



全紫色, 幾鬼靚呀! 多謝晒你呀, 亞Chris!

今日正日生日, 就更係同我至愛食飯啦!

今時今日嘅至愛, 就真係滕滕囉! 一心想快D番去, 快D番去, 可以見到滕滕!

不過, 事與願遺, 越想快D番到去, 就越塞車! 觀塘塞車! 彩虹塞車! 畢架山塞車! 汀九塞車! 小欖塞車! 真係唔想講粗口都唔得囉!!! 6:15上左車, 要8:00先落車!

滕滕等到頸到長埋, 係咁係到問佢老豆行得未行得未, 問到佢老豆火嚟呀  !

我地去左黃金食泰國菜, 食完就去影左兩張相就要走喇, 因為老公番工!

滕滕而家好識笑, 同佢影相, 就笑到咁嘅樣! 衰衰咁又笑得幾鬼可愛!