2012年12月5日 星期三
蟲蟲~
今日, 滕滕學校觀課日, 原本就只係請半日假, 不過因為伯父過左身, 今朝應該要上山送佢, 不過觀課又唔係成日有, 咁兩個細佬都去送伯父, 所以我就請左成DAY 事假喇!
今日嘅觀課日都幾精彩, 因為可以知道平時佢地上堂係點, 但係最衰就係冇得影相同拍片囉!
我個仔, 上上下堂真係好似老師所講, 無啦啦彈左一句出嚟好好笑! 其實, 佢都唔係咁一嚿飯嘅! 全程滕滕都好開心, 見佢答老師問題都好有自信同好大聲, 上完一堂, 次次行過都問我係唔係仲係到唔走! 佢真係好想我繼續囉, 不過, 去到茶點時間, 我地家長就真係要走喇! 因為有坐談會!
成個朝早都幾鬼攰, 接完滕滕放學食完飯我都跟住一斉瞓覺lu, 瞓到3點幾, 老公醒左就係咁係到錫, 係錫滕滕! 就好似夜晚佢放工番嚟咁, 不停咁錫, 梗係要錫到個仔醒佢先安落架!
因為今日要去畫畫, 所以既然都起晒身, 就一斉送滕滕去畫畫啦! 因為滕滕有個好朋友都一斉畫畫, 我見到好朋友, 就問佢有冇幫手照顧細佬仔喇! 點不知滕滕無啦啦就同我講: 我想要爸b比蟲蟲我呀!
真係R爆頭, 咩叫爸B比蟲蟲呀?! 我再三問佢, 原來係因為之前我教過佢, 一個BB, 係由爸B嘅一條蟲, 同媽ME嘅一粒蛋蛋結合, 先可以變做一個BB, 而我仲話, 爸B都冇比蟲蟲我, 我又點生BB呢!
一個3歲半嘅肥滕滕, 仲咩事咁心急成日叫我比BB佢呀, 可能佢真係好想有個細佬or細妹都唔定喎~
訂閱：
張貼留言 (Atom)
滔滔相反。我早兩日問佢要唔要 bb, 佢都話唔要, 佢要1個哥哥!! 問佢點解, 佢話 bb 唔識同佢玩, 哥哥就識 wor (最近返學有教哥哥 & 細佬 d 野)。
回覆刪除要個哥哥, 我真係幫佢唔到喇!
[版主回覆12/10/2012 11:38:56]真係相反喎, 滕滕就真係好想好想要個細佬, 佢話唔要細妹喎!
你想生多個, 叫滕滕同你老公講啦 ~
回覆刪除[版主回覆12/11/2012 11:27:03]更係, 冇啦!
[村姑 C 9 仔 *.*回覆12/10/2012 23:03:25]咁你老公有無就範呀?
[版主回覆12/10/2012 11:39:41]滕滕已經不停咁同佢老豆講架喇, 我地車輪咁講緊啦!
滕滕咁精靈，點會一舊飯呀?
回覆刪除[版主回覆12/10/2012 11:40:27]因為佢想要, 所以記得好實下~
@@ my god...人細鬼大
回覆刪除haha 所以有時話係石頭爆出黎可能冇咁煩:P
做咩你老公咁攪笑,要錫醒個仔T__T
[版主回覆12/10/2012 15:59:16]佢變態架嘛, 一定要攪到人醒, 發皮四佢先收手架!
肥媽~~~好 miss 你呀~
回覆刪除[版主回覆12/12/2012 12:57:09]