生日飯~

 

尋晚食左餐生日飯, 今晚又食生日飯, 其實真係幾辛苦, 因為我隻腳, 仲痛緊!  好想推, 因為我知道我唔應該行咁多, 但係亞妹呢餐飯已經成個月前約定!



亞妹今次送左支防晒日霜比我, 今次真係有用喇, 因為我想換我用開嗰隻!

亞妹話呢隻係有DR推介, 所以好期待可以快D用!

揀係TST食飯, 係希望可以食完飯去OCEAN CTR 嗰邊影下燈飾, 所以食完就由中間道下過去!  由中間道行去碼頭, 其實就真係好近, 不過對我嚟講, 一下一下咁拮過去, 真係何其辛苦!

影左幾張相, 老公個木口木面比情, 真係比起我隻豬腳更加難睇!  我知道~ 因為人又多, 又影唔係好影到相, 我知佢開始唔老嚟, 所以就算我個心有幾想再行下多陣, 我都冇出聲, 因為算啦, 佢聽日要番早, 咁咪早D走囉!

係碼頭前面有笪空地, 有兩個西人係到演奏, 滕滕一聽到音樂, 佢個身就不由自主地咁擺動.............
 真係笑到我吖