尋日老公番16個鐘, 今日又番16個鐘, 啱啱過左呢個星期四同老公d frd 去食dinner, 佢地話隔成年先見, 叫我地出嚟多d喎! 成年先見, 差唔多啦, 因為我都已經起碼足左48小時冇見我老公, 我係老婆, 都咁上下時間先可以見到佢, 咁朋友都係咁上下啦!
所以呢兩日唔使番工, 可以係朝早老公番嚟見過下佢, 等佢瞓醒去食lunch再見多幾面, 如果唔係, 又再又一個唔知48定係52小時喇!
老公番工, 我就真係不甘寂寞! 今日, 我又同滕滕去街喇!
約左個best frd去飲茶, 原本諗住只係佢一家三口, 不過今朝佢就話佢外母都係到, 問我介唔介意! 其實都唔係好介意, 因為有d老人家都幾nice, 就算唔nice嗰d, 出到嚟見到d後生有朋友係到都會扮好nice, 不過, 一去到地鐵等我個frd嚟接我嗰時, 佢就同我講佢有其他朋友係到! 其他朋友.......都ok嘅, 因為我都知我個frd不嬲都係咁, 約襯都一大班人! BUT, 去到, 原來係佢老婆D亞哥細佬&亞媽! OMG, 即係佢老婆D屋企人! 早知係咁, 我就真係唔會去喇! 好彩就係, 成餐茶滕滕就一路係咁攪住我, 如果唔係, 真係戇交交囉, 仲要係好戇交嗰隻!
飲完茶, 就去左搵契妹喇, 去到契妹屋企, 我就好似散晒咁, 一步都唔想再行, 因為真係攰到爆囉, 好彩食dinner問過邊d唔係情人節餐先去咋, 如果唔係去到又再搵, 就真係命都冇!
連續出左去兩日, 滕滕就開心囉, 我就真係攰爆, 今晚對腳仲發軟蹄潻!
你呢個frd真係...一個迷囉...叫晒成家人出嚟, 又好意思叫埋你嘅?
回覆刪除[版主回覆02/14/2012 14:58:19]佢有時係好一個迷架~
你老公咁踩法，夠唔夠休息?
回覆刪除[林林回覆02/20/2012 12:54:04]叫你工人煲，又唔洗睇火，細火煲兩三個鐘就得喇
[版主回覆02/15/2012 15:07:27]死啦! 我而家放假, 只係諗同滕滕去邊咋! 如果老公唔使番工, 我都係諗, 等佢瞓夠晒就睇下去邊到街呀! 睇嚟, 我真係要搵個星期六, 又要係佢番到嚟飲湯先去整! 因為夾唔啱時間, 佢跟本就飲唔到!
[林林回覆02/14/2012 15:19:06]煲啲湯水，補品比佢啦
[版主回覆02/14/2012 14:58:55]更係唔夠啦,所以一笪落床就即瞓著架喇!
連續2次, 連踏16小時. 唔怪得之佢燥
回覆刪除我訓少2個鐘都燥火上昇了... ^^
[版主回覆02/14/2012 14:59:27]佢話橫掂夜晚係屋企都係瞓又冇嘢做, 不如番工好過喎!