自從過左年之後, 我好似好多嘢要幫滕滕做!
呢兩日, 就預備去攪滕滕領洗d嘢!
我呢個咁樣嘅教徙, 真係有d唔怕醜! 成日都講星期日想帶滕滕番教堂, 講左成年都冇行動過!
上個星期六同亞sir食飯, 講開3歲以下嘅小朋友, 係可以唔需要上左主日學先可以去領洗, 而我都打過電番教堂,佢話今個復活節有得領洗! 所以今朝download左份form, 我出去攞番之前唔見左嗰張領洗紙, 等埋個frd比個代父資料, 咁聽日就可以遞form 喇!
不過, 今朝臨出去攞番我自己張領洗紙時, 家姐聽到我話要趕住出去, 因為我同滕滕整緊預備洗禮d嘢時, 佢就係到恥笑我囉! 佢恥笑完我, 我有d唔開心, 因為我覺得佢好唔尊重我呢個決定!
無錯, 我係好少番教堂, 但係我想滕滕成為教從, 係希望佢可以學道理, 思想上要正途, 因為要做個好人, 係要由細開! 由頭到尾, 我都係咁諗, 並唔係因為想佢有分!
我知家姐笑我, 係因為覺得我都唔係一個虔誠教徙, 不過although 我唔係一個虔誠教徙, 咁我就唔可以比個仔洗禮嘅咩????????????????????????????????????
感覺上, 你重視個儀式 more than帶佢去聽道? 返主人學?
回覆刪除你想佢聽多d道理. 但唔帶佢去. 卻先帶佢洗禮, <<< 可能你家姐係哩個意思
至於恥笑哩一part< 只可以話佢同你太close, 有時d態度坦白左. 咁啱嗰件事你在意.
咪變得梗耳囉. 明唔明?? 我估佢無心. 亦唔會咁撩交嗌既 ^^
[版主回覆02/16/2012 13:03:34]同埋, 你都知我幾緊張個仔架喇, 我想佢好, 想佢第日思想正路, 唔通呢d番下教會咁小嘅事, 都低估我做唔到???
[版主回覆02/16/2012 12:59:44]我更係好重視呢個儀式啦, 因為係一樣好神聖嘅事嚟架!!!!!!!!!!!!!!
我覺得, 可能因為佢見我都冇咩番, 跟本唔會有恆心帶個仔番主日學!
我唔係基督徒, 但讀左 7 年基督教學校。黎緊阿仔 9月返新幼稚園, 唔係基督教既。但我同你一樣想幫阿仔搵間教會返下。
回覆刪除[版主回覆02/18/2012 19:36:19]我好多朋友, 都係出左嚟做嘢先入基督教, 佢地一入左教之後, 成個人好似變晒咁, 只係同D教友frd, 而本身d朋友就開始疏遠, 而且思想仲變晒, 好似只有教會d人先至係好人咁! 仲有, 佢地好似如果唔番教會(一個星期一次嗰d), 就好似好唔好意思, 好似得罪左神咁, 犯下大罪咁!
所以甚程度上, 我覺得佢地好似比人洗左腦!!!
[村姑 C 9 仔 *.*回覆02/16/2012 17:19:02]我讀左 7 年書, 但我又從來無返過教會。唔知緊唔緊~
[版主回覆02/16/2012 13:01:10]番下呢d好吖! 不過我唔係咁鐘意基督教, 因為基督教好多嘢都太緊啦, 唔番一日都好似唔多好咁, 所以我唔鐘意番教會時有壓迫咁!
hahahaha...咁你同個仔一齊返教會loh, 唔係到時冇計傾...我指冇共同話題
回覆刪除[版主回覆02/16/2012 13:02:14]我唔希望同個仔冇共同話提呀! 不過我又覺得, 我估我唔會好似d食古不化嘅老人家咁卦!~(真係好難講, wahahahaaaaa........)
當初邊個帶你去領洗呀?咁以後就同滕滕一齊去教堂囉^^
回覆刪除[版主回覆02/23/2012 16:35:53]我就係囉! 不過滕滕就唔使喇, 因為我已經係教徒嚟, 而滕滕係三歲之前受洗, 咁就唔使聽架喇!
[林林回覆02/22/2012 16:52:07]咁你都要去聽幾個月之後至可以比你洗架
[版主回覆02/21/2012 12:52:35]當時, 係我自己無啦啦去洗禮架!