星期六去旅行, 滕滕例牌好似痴左線咁不受控制, 開心到癲左咁! 班主任見到佢咁樣, 就頂佢唔順, 主動話要拖住佢, 等佢冷靜番d!
班主任已經唔係第一次同我講, 佢出街癲到咁樣, 即係好開心我地同佢去街(呢樣我更係知啦), 問我係唔係好少時間陪佢喎! 同埋, 老師話滕滕有時咁反叛, 都係因為覺得我地少時間見佢, 同埋覺得我地唔理佢啫!
就好似上個星期三咁, 試過一次去接滕滕放學, 咁星期四, 滕滕就同老師講佢又唔想搭校車, 不過老師就同佢講, 媽me今日要番工唔可以嚟接你喎, 咁你要跟校巴ee上車喇! 一聽到老師咁講, 我就知道食過番尋味啦, 講真, 我都好想日日去接佢放學, 但係我要番工呢!
其實我都差唔多日日放工都番屋企啦, 星期六&日一定係屋企嘅, 有時星期日都會同佢出去行下, 就算老公要番工, 我都會照出去行下街架! 夜晚, 成晚都比晒佢架喇, 又傾計又唱歌, 仲陪埋瞓, 咁樣陪法, 唔通都唔夠???
我都好直接咁問老師, 咁樣都唔夠, 咁我真係唔知仲可以點囉~
或者你個仔特別痴身呢
回覆刪除[版主回覆03/07/2012 14:31:15]我老公? 一個鐘陪個仔? 冇可能啦! 佢on-shift 架嘛~ 而且如果滕滕曵嗰時, 佢冇乜耐性架!
[林林回覆03/07/2012 11:43:23]咁你同你老公講，阿仔好好好掛住你，每日陪個仔一個鐘
[版主回覆03/01/2012 15:05:48]我都唔知喎~ 不過個個小朋友都成日想爸爸媽媽陪住架啦! 不過, 我又諗, 會唔會因為滕滕唔係成日見到佢老豆, 所以就成日更加想痴實我呢???