印象中記得學校去旅行應該係秋天, 正所謂秋高氣爽嘛, 不過唔知係唔係呢個旅行係家長會攪, 所以唔通要就D家長??? 呢個時候好潮濕, 真係好怕滕滕又咬到一嚿二嚿咁番嚟!
舊年一家大細去旅行, 不過滕滕好似已經唔係好記得咩係去"旅行"喇, 尋晚同佢講聽日學校去旅行, 佢只係知道老師都會一斉去玩!
舊年一家大細去旅行, 不過滕滕好似已經唔係好記得咩係去"旅行"喇, 尋晚同佢講聽日學校去旅行, 佢只係知道老師都會一斉去玩!
呢次第一次親子旅行, 係去屯門兆康附近嘅有機農場!
不過, 因為呢到好多都會有D手作仔要家長一斉做, 例如整相架, 整花盤咁, 但係滕滕好似對呢D坐係到做嘅嘢一D都冇興趣, 攪到佢&我地兩個好似癲嘅咁, 因為滕滕不停咁攪絞剪, 張D工具掉晒落個垃圾筒到, 而我地就不停咁叫住佢唔好唔好&唔好! 攪到坐對面嘅家長同我地好似好大分別咁, 因為其他小朋友, 都會好似好乖咁跟住整, 而我個滕滕就像個瘋小孩!!!
不過, 一講到體力勞動, 就真係不遺如力喇!
鋤到唔肯走呀!!! 我諗如果叫佢鋤一個鐘, 可能都可以!
呢個就係班主任喇, 佢都好nice架! 唔好睇見佢個樣好似流流地, 不過佢都有份威嚴係到, 因為滕滕見到佢就開始唔會咁放"試", 同埋, 老師話平時佢係學校冇咩痴線架, 啤一啤佢, 佢就會乖番架喇!
呢個老師, 都好細心, 平時耐唔耐同佢傾過電話之後, 佢都會張我所話比佢知滕滕乖嘅嘢, 耐唔耐就讚下佢, 等佢可以係屋企乖d, 如果曵, 就會不停咁提醒佢叫佢唔可以, 又不停咁解釋比佢知點解唔可以, 仲有過多一輪, 又問番佢仲有冇做d咩曵嘢, 跟住又再話番比我知!
所以如果滕滕今年k1轉校, 我都會好唔捨得佢囉~
好呀! 多d親子活動好呀!
回覆刪除咁你轉唔轉校呀?
[版主回覆02/28/2012 17:18:13]本身間學校係有朋友識人唔使點in就可以收, 不過我唔想煩到人, 而家唔得先叫朋友幫我留定後備位咋! 如果冇上午, 我寧願唔轉校喇, 我唔想d時間亂晒呀!
[村姑 C 9 仔 *.*回覆02/28/2012 11:20:39]我好鐘意呢 d 活動, 因為細時住圍村, 想阿仔都好 d 接觸大自然。
後備好多時都係下午班, 你都要諗下。 d 時間好煩。我阿仔就讀緊下午班, k1 轉校兼轉上午班。
[版主回覆02/27/2012 15:21:59]其實我同我老公都幾怕呢d會攪到個身污糟嘅活動架, 因為滕滕都唔係乖過人! 人地係到夾手夾腳整相架, 佢就張d工具倒亂, 又畫花晒人地張枱, 對面仲要對住另外一個家庭, 人地個仔就乖乖咁係到幫手! 你都唔知我地幾唔好意思呀!
我而家仲未知轉唔轉到校呀, 因為要等嗰邊後備位呀!
滕滕在老師陪同之下，乖咗好多好多:p
回覆刪除[版主回覆02/28/2012 17:18:42]所以老師嘅魔力真係好大架!!!
滕滕相對來講都算幾高喎!高過其他三個同學仔喎!]
回覆刪除仲有你老公都算唔錯,肯陪住一齊去!