自從滕滕由舊年九月番學之後, 就基本上接近不停咁睇醫生! 上個星期打去診所問, 只係2011年, 滕滕連埋配藥, 總共23次! 學之前, 幾個先一次, 番左學之後就不停咁接住睇, 咁即係呢23次, 並中有起碼18-20以上係九月打後開始!
有見及此, 我就預備幫滕滕買多份門診保險!
個保險sales, 係亞媽個朋友嚟, 佢好nice, 好好人, 做嘢好細心, 就連我地呢d新入職媽me(之前), 都比好多advice 我地, 邊d保險應該幾時快d買, 有d就應該遲d先考慮去買, 所以呢個媽me朋友, 我一路都好尊重佢!
不過, 因為佢早一兩年check到有cancer, 所以佢pass左佢d客比佢個同事! 話就係話佢pass 晒出去, 不過佢就話我有咩就可以搵番佢!
因為我想幫滕滕買門診保, 所以我都好開門見山話, 如果我搵佢買,但係d 佣金就比左佢d同事, 咁我就唔想囉, 因為單就亞媽朋友仔幫我開, 錢就比左人, 如果係咁, 咁我就寧願成份單轉比我自己個朋友個sales, 搵我朋友個sales 買喇!
亞媽個朋友仔聽到我咁講, 佢話因為佢唔想煩到佢同事, 所以而家佢d客都係佢自己跟番, 做得幾多就幾多, 最多慢慢做啫! 所以如果我幫滕滕再買保險, d佣金都係歸番佢, 唔會比人! 不過, 因為佢身體要多休息, 所以有時d嘢就做得比較慢d~
唉! 有時我都好矛盾, 我想比錢亞媽個朋友賺, 但係佢又未必可以好快咁覆到我, 因為佢身體唔舒服! 我想成份保單轉左比我朋友個sales, 但係亞媽個朋友又話佢唔想煩到人自己可以handle到!
咁唔通我好直接話你身體唔好, 跟本就跟唔切咩! 追又唔係, 唔追又唔係! 但係, 我又真係好想快d整好份單囉~
2012年2月20日 星期一
迷網~
訂閱：
張貼留言 (Atom)
嘩!病得咁多次,有無諗過間糼兒院空氣唔係咁好呀?我IN咗咁多間,最終都係選間空氣流通啲嘅,希望個囝諗書後無咁容易病呀!
回覆刪除[版主回覆02/23/2012 16:48:18]就算幾流通, 夏天都開冷氣架嘛! 仲有, 佢地班友仔, 唔係你攪我就我攪你, 太近距離接觸, 跟本就避無可避!
人地都咁直接同你講，你都可以好直接同佢講要轉人囉，呢啲切身問題，千萬唔好覺得唔好意思呀
回覆刪除[版主回覆02/23/2012 16:48:45]咁佢話佢可以handle到嘛, 唔係點啫~
其實....我就唔會suggest人買
回覆刪除不過你同佢多ｄ 出去做下運動, 同埋食少d 炸野同凍飲, 其實可能會好好多
[版主回覆02/24/2012 14:05:17]佢平時日日已經係屋企走嚟走去, 時時刻刻都成身濕晒, 佢一日係屋企嘅走動就=我成年喇!
我好少比凍嘢佢飲, 好耐唔耐會飲下我走左冰嘅凍寧茶, 多都冇喇, 而且我又冇比薯片蝦條呢d寧食佢, 只係有時比d軟糖, 食下餅乾咁咋!