今晚情人節, 原本老公話去鴻星食飯, 結果都冇去, 因為連加一成五嚿水一個人, 我真係唔捨得, 因為食完又點呢, 痾番出嚟咪又係咩嘢! 所以結果老公諗左另一個地方, 係我更加鐘意嘅!
就係去元朗食炒蟹喇!
情人節真係情人節, d人多到呢~!
我地已經好耐冇嚟過喇, 自從預備想有bb嗰時開始, 到而家都有5-6年! 係到食嘢, 感覺上好似好有親切感!
呢間嘢冇咩點變, 嘢食都ok, 只不過係貴左好多啫! 一碟炒蟹就只得一隻蟹, 以前好似唔知$88定$108, 但係而家就要$178! 我地叫左一碟炒蟹, 一碟黃金蝦, 同埋一個芋頭油鴨煲, 再加兩個白粥, 埋單都要差唔多四百蚊!
其實而家樣樣嘢都好貴, 全部都加晒價, 只係人工冇加! 所以平時真係要慳d洗錢!
係好多野都貴左好多....
回覆刪除[版主回覆02/16/2012 12:57:47]係呀!!! 除左人工冇加, 其餘樣樣都加囉!!!
我情人節返咗娘家一家人食飯
回覆刪除嗰日同芒爸去三聖, 揀左隻都ok大既蟹, 我嫌佢細, 再揀過: $168!! (嘩. d膏多到呢......抵呀)
回覆刪除[版主回覆02/27/2012 15:26:17]........唔............等我下次同我老豆去試下先!
我响樓下, 食個晚餐 都加到$40
回覆刪除我同佢2小口子, 每晚都一定80落樓.
有時去下酒樓仲金!!!!
我個人比較後知後覺, 踏入2012先feel到乜野係"物價滕貴"呀
[版主回覆02/27/2012 15:26:53]所以我地平時冇咩事, 唔會無啦啦出去食飯架!