今日係今年第一次帶滕滕落公園玩, 隻豬仔都ok開心架!
不過, 公園唔止佢一個小朋友啦, 仲有兩兄弟, 哥哥四歲, 弟弟就兩歲, 同滕滕一樣咁大!
大蝦細呢句嘢, 由細到大, 都知道係流傳落嚟! 流傳落嚟嘅嘢, 真係唔方流得去邊, 因為呢兩兄弟, 今日夾手夾腳"恰"滕滕!
首先, 哥哥好大聲係到對住, 兇滕滕, 跟住細佬見哥哥大聲喝滕滕, 又跟住一樣行埋去叫住嚟兇佢! 當然, 滕滕更係唔知道佢地做緊乜, 以為人地同佢玩, 所以佢就尖叫埋一份, 而我呢, 睇到嗰個四歲大嘅細路, 就知佢想大蝦細! 不過, 好彩, 我係到!!! 而且我跟住就啤住佢!
你又係到兇埋一份一齊玩吖嘛
回覆刪除[版主回覆04/14/2011 12:41:00]我啤住佢, 已經兇兇地佢啦, 不過我見滕滕咁highpa, 我唔想破壞嗰時嘅氣氛呀!
個細路之後知唔知死呀? ha ha....
回覆刪除[版主回覆04/14/2011 12:42:00]我只係啤一啤佢啫, 好彩佢唔出手, 如果唔係, 我會即刻喝住佢, 就算佢亞媽係到都冇情講呀!
回覆刪除呢d樣咪又似你囉~
[版主回覆04/15/2011 15:35:00]咁就死啦, 下下都要去埋呢d位先似我!
佢正正經經個樣就擺到明係你老公嘅餅印喇....你都心知...只有呢d樣先可以似下你架咋!!!
回覆刪除[版主回覆04/15/2011 17:13:00]真係唔該晒~!
唔駛客氣喎~
回覆刪除我前日去公園有個四歲半的男哥哥,佢都不知幾百厭,佢竟然用泥沙撥向我囝囝,我立即話佢,佢老母見到都唔話佢,真係有媽生無媽教架!
回覆刪除你囝囝依家唔知佢哋做緊咩嘢,但大啲就知道架啦!好彩有你睇住,唔係你囝囝比佢哋恰到飛起呀!
[版主回覆04/19/2011 14:29:00]所以我叫左個工人, 如果同滕滕去公園, 要睇實佢唔好比人蝦呀, 我唔想番嚟見到滕滕變豬頭呀!