事發係係1月17日, 點解而家先POST出嚟, 係因為我而家先影到呢間鋪頭張相!
嗰日下午出左去同奶奶食 lunch, 食完我就要去荃豐到買奶樽, 因為嗰到有間嘢, 我有discount card, 所以買完之後, 就順便行下荃豐, 因為想搵條爛牛仔褲比滕滕過年!
因為滕滕未夠一歲, 所以好難搵到咁細條, 而且又要爛, 所以第一次行過見到呢間杏+橙鋪頭有, 都冇認真問過, 因為想行多幾間先! 不過, 去到最尾, 真係冇咁細條, 所以唯有行番轉頭, 入去問問!
見到有一條display出嚟, 都ok, 所以就問下最細條係幾大, 條八婆第一次答我已經唔係好有禮貌, 不過, 我算, 因為可能佢忙緊. 所以就問左佢攞左把軟尺嚟度度, 度完之後, 都覺得ok, 跟住就問條八婆幾多錢! 佢二話不說就答我: 嗰到咪有囉! 好啦, 我就攞個牌嚟睇, 一睇, 寫住 $349! .........$349??? 我double confirm 問條八婆: "條牛仔褲係唔係 $349呀?" 條八婆居然答我: "好出奇呀? 三百四十九蚊條牛仔褲未聽過咩?"
嘩! 我一聽到, d火就更係巴巴聲咁嚟啦, 所以我就答佢: "我真係未聽過一條bb牛仔褲要成三百幾蚊喎, 有牌子都唔使咁貴啦! 你咩牛仔褲咁巴閉呀!" 跟住同老公就即刻行左去!
一路行, 老公就同我講: 頭先條八婆仲要係到話: "車! 你咪唔好買囉, 跟本就冇諗住你地買架啦!" 一聽到, 我就問老公, 點解你唔同佢講, 你估你條牛仔褲相左金呀, 人地有牌子都值, 你咩貨呀, 不自量力!
你話! 你話! d 咩加橙鋪頭嚟架, 唔想做生意就咪開啦, 仆街, 咩預左我唔買, 你咩貨呀, 賤貨嚟架咋, 我怕比左我滕滕著, 我滕滕個身會生嘢呀, 你d賤貨咩咁巴閉呀, 嗰條咁嘅死人牛仔褲賣咁貴, 厄人咁多錢要嚟幫自己執藥呀, 八婆!
你影唔到個鋪頭名呀，叩人點唔去幫襯呀
回覆刪除條白婆咁賤，以後唔好去
[版主回覆02/17/2010 17:26:00]呢間PK鋪本身就好似冇鋪頭名架, 你都見到佢將D衫卦到咁, 何來有地方可以 show 到佢個招牌吖!
荃豐嗰到行入去第二定第三個商埸中間, 就係呢間死人鋪啦, 好易認!
學你嗰句話齋 : 你露媚
回覆刪除你唔同條白婆賤人講
[版主回覆02/17/2010 23:28:00]因為當期時奶奶係到, 如果唔係, 我就同佢死過啦! 費事嚇親D老人家呀~
分分鐘奶奶同你一齊小七佢添呀，薑越老越辣呀
回覆刪除[版主回覆02/18/2010 00:10:00]唔會, 因為我奶奶好"淋"架!