亞媽, 你真係好可愛喎!

今日下午, 亞媽打嚟問我仲咩入咁多錢比佢, 而佢咁問, 已經唔係第一年問!

亞媽, 你係唔係失憶先?! 每個月我都入家用比你架啦, 而且每年年尾, 我都再入錢比你過年架啦, 咁二月頭比家用你, 二月中就比錢你過年, 咁又點會入多呀?!

舊年, 前年, 大前年, 大大前年都係咁, 仲咩你年年都要問一次先?! 你係唔係嚴錢多, 覺得個戶口好似多左好多錢, 唔知想點, 定係想我幫你諗下可以點先?!

我比得你, 你就袋左佢啦, 如果我冇錢, 我就唔會比錢你啦, 如果我唔夠錢用, 你估我仲比錢你咩, 你成日比你老公"困", 多個錢旁下身唔好咩?!

有時, 真係唔係好明亞媽點諗! 成日都慳, 乜都慳, 連坐兩個幾van仔番屋企都話要慳, 佢話行得多對身體好喎, 最慘你行得多, 又話腳踭痛呢! 成日為為埋埋, 都係為左我老豆, 都唔知為乜! 有時見我老豆成日恰佢, 我又唔底得就話番我老豆, 但係有時亞媽知我地幫佢, 佢又鬆毛鬆翼! 總之就........我都唔知點講!