今日係滕滕一生之中嘅第一次比人剃頭, 不過呢次之後, 要等多12年或再耐d, 先會再比人"攪"喇, 因為........以後, 就係我幫佢喇.......哈哈哈哈!
因為想做個紀念, 所以搵左間胎毛筆公司嚟幫滕滕剪頭髮, 順便用佢d頭髮嚟做對毛筆!
剪頭髮嘅過程都算ok啦, 滕滕係喺最後坐得耐, 唔耐煩先開始嘈!
開始喇! 開始喇! 睇下滕滕個樣幾懵!
仲係懵醒醒!
嘩! 爽晒!
睇下幾涼快! 不過...........真係有大陸軒feel 囉!
估下呢套筆, 如果做晒要幾錢???
第一, 首先要睇下個亞b有冇咁多頭髮先!
第二, 仲要睇下你d錢係唔係有錢冇地方洗!
因為............如果做晒, 真係要差唔多兩皮嘢呀!!! 當然, 我唔會做一隻大大大水魚啦!
我地只係撰左其中一對筆(佢地叫-文武筆), 筆材係酸枝嚟, 筆上會有滕滕個名"靖軒", 而且仲會有對對聯, 係由"靖軒"起出嚟!
但係對筆, 冇咁快有, 要成個半月呀~
你有兩張相睇唔到呀
回覆刪除仲有呀"軒軒"都無大陸feel吖，仲好英添
[版主回覆09/14/2009 11:09:00]真係yahoo唔係好掂!!!
好英......真係好有大陸feel......
而家睇到相喇
回覆刪除我覺得好睇過之前喎，可能之前太多頭髮喇，而家好好睇吖
[版主回覆09/14/2009 20:09:00]我都係鐘意佢 set 左個頭嗰個look, 冇咁薯!
set頭?我未見過。噢!!!
回覆刪除[版主回覆09/15/2009 13:14:00]
佢呢個頭未剪之前, 係任何時候都係set左咁樣, 無論風吹雨打都set好左唔會郁!
呢個叫set頭呀??????????
回覆刪除[版主回覆09/15/2009 14:45:00]係呀, 哇呀呀呀...... !!!幾行先得架, 我諗你set左都冇佢可以維持到咁耐呀 !!!!!!!
咁佢髮質軟唔軟架?
回覆刪除[版主回覆09/15/2009 15:40:00]都ok軟嘅, 因為我諗好多bb都係咁卦!
天生髮質軟嘅小孩係易教啲同聽話啲架
回覆刪除[版主回覆09/15/2009 16:36:00]因為之前想搵人改名, 所以都同佢批過名, 三個師傅都話佢係個聽話嘅小朋友嚟!
我都希望係啦!
嘩!!!你就開心喇，有個聽教聽話小朋友
回覆刪除[版主回覆09/16/2009 15:44:00]我一日未老, 都未知佢係唔係一個乖仔!
真是型仔了很多!
回覆刪除我不覺得大陸feet呀!
點解沒有提供bb坐掎的,要你抱住,會搞到全身都是毛毛呀!
[版主回覆09/16/2009 15:46:00]個師傅知我拍video, 所以就叫我抱住會好d, 再者, 因為個師傅怕軒軒驚, 坐唔定, 所以佢話由媽咪抱住會好d喎!
剪左可愛d....似bb 多d hahaha
回覆刪除[版主回覆09/21/2009 15:20:00]佢個樣真係幾老積架!