連我自己都估唔到自己痴線成咁, 因為今日係有使以來, 買嘢最多嘅一日!
尋日查左 mascara, 但係發現番到屋企之後, 支 remover 唔見左!!! 去左邊? 去左邊??? 我查開嗰支 mascara, 要用佢嗰支 remover 先可以洗甩, 咁冇左, 我對眼點? 我對眼點???
我對眼隔左一晚夜, 真係好難頂, 所以今日放左工之後, 就即刻去左sasa買番之remover!
買左之remover後, 發現........嘩, 支甲油嘅顏色幾靚喎......好買左佢, 結果買左兩支粉紫色, 一支深小小嘅粉紫色, 跟住又諗起查緊嗰d粉紫色係卓越買架喎, 不如去睇下仲有冇先, 好啦, 係有嘅, 結果又買埋, 所以一共買左4支都係紫色嘅甲油!
買完之後, 心血來潮, 想去睇下d鞋, 因為知道季尾, 所以應該係減緊價, 於是又去睇鞋! 一唔睇, 一睇就比我發現左對涼鞋係紫色, 仲要係我最鐘意嘅鮮到不得了嘅姣婆紫, 係呀, 係姣婆紫呀! yeah! yeah!! yeah!!!
不過, 睇下睇下, 又見到另外一對鞋, 又係姣婆紫喎, 係呀, 又係姣婆紫呀, 一唔試, 一試就由自可, 跟本就唔想脫!!! 死啦, 點呀, 我咁大個女, 未試過咁架, 我跟本就決定唔到買定唔買, 因為已經要左兩對喇! .............好啦, 買埋佢啦! 但係同款嘅藍色都好靚架.....哎呀, 攞我命咩!!!!!!
買左, 一次過買左4對, 好過份, 自己都覺得好過份, 但係就真係好開心, 因為我真係, 真係, 真係, 真係好鐘意d鞋!!!
我自己買嘢之餘, 都有卦住軒軒架, 因為今日冇帶餸番工, 所以下午就出左去食飯! 食完飯之後, 係個商場到見到有檔車仔賣bb衫, 於是行埋去睇下啦, 嘩, d衫仔好靚呀, d質地仲幾好潻, 所以都買左5件衫仔比軒軒, 而我個同事+朋友見到d衫仔咁靚, 佢都買左兩件比軒軒!
所以, 今日係我人生以嚟, 痴得最緊要嘅一日! 簡直係發左癲呀!!!
千萬唔好咁諗，只要遇到喜歡的，買咗佢一定唔會後悔，唔買嘅會後悔成世架
回覆刪除可唔可以post啲鞋上黎睇下呀?
[版主回覆09/24/2009 10:49:00]如果d鞋唔係紫色我就唔會咁苦惱囉! 你知啦, 唔係咁多鞋係紫色架嘛, d色仲要係好靚潻架!
不過, 最過份嘅就係有對豆零踭嘅減左價之後, 都係120蚊咋, 你話係唔係好離譜吖! 仲要呀, d quality 唔係差架!
d相要今晚番去先影到呀, 係呢, 不如如果你今晚得閑, 想唔想去睇下? 如果都想去睇, 我話比你聽邊間吖!
我今晚要返娘家食飯呀，不過你都話比我知係邊吖
回覆刪除我近排都買咗對紫色高踭鞋，等我又post先~~~
我屋企十對高踭鞋有8對都係紫色架
紫色萬歲~~~yeah~~~~~~~~~~~~~~
[版主回覆09/24/2009 11:18:00]我係Union(我唔知你知唔知邊間, 佢地個brand係綠色架)買架, 佢地話黃埔而家都係on sales!
除左黃埔, 屯門, 天水圍, 大埔同馬安山, 其他都已經買緊新貨喇!
仲有呀, 我好鐘意買耳環架, 你呢?!
我知邊間呀，我成日都去睇鞋架
回覆刪除我無耳孔，所以無買耳環
不過我好鍾意買頸鏈吊咀
[版主回覆09/24/2009 11:56:00]佢呢間嘢好奇嚟架, 因為佢有時d款好娘, 有時d款又ok架喎!
頸鏈吊咀, 我都好鐘意, 不過呢個玩意就貴d, 所以唔係太多收藏品!
我真係好鍾意吊咀架，襯衫好靚架
回覆刪除不過我搵黎搵去，都搵唔到"囍"字吊咀
有嘅萬幾蚊囉，我唔會買囉，得嗰幾粒碎石，收我萬幾蚊，唔值
其實我唔鍾意啲閃令令嘅吊咀，所以我買啲吊咀都好平咋
[版主回覆09/24/2009 12:26:00]等我又幫你留意下先!
唔該晒呀
回覆刪除[版主回覆09/24/2009 21:31:00]睇下啦, UPLOAD左喇!
嘩~~~~~~~~~~~~~~~~~~~~~~~~~~~~~
回覆刪除超靚呀，最鍾意係呢種鞋踭喇，你知唔知有無粉紅色呀?即係藍色&紫色個對呢
杏色&紫色個款個踭好唔好著呀?
[版主回覆09/25/2009 10:14:00]係呀, 真係好靚架, 影左相d顏色差左小小, 睇實物, d顏色仲靚架~~~~~~~
藍色 & 杏色嗰對好鬼舒服架, 記住, 真係真係好舒服架, 個價錢平到你都唔信, 只係200蚊咋!
藍色 & 紫色嗰對好似得呢兩隻色, 但係唔肯定, 因為我嗰時個集中力都冇離開過呢兩款鞋, 所以.....答唔到你! 但係最離譜嘅就係呢對都只係120蚊咋! 你話! 你話! 係唔係唔買就真係對唔住自己吖! 真係痴線架!!!!
如果你都好鍾意, 就快d快d去睇下啦!!!
等我星期日去睇下先
回覆刪除[版主回覆09/25/2009 11:00:00]好吖, 去睇啦!
好靚的鞋呀!你真的一次過買很多鞋仔呀!你家中也很大,老公沒有話你嗎?
回覆刪除[版主回覆09/26/2009 23:22:00]哈哈, 我買左4對, 都只係640蚊咋, 因為大減價嘛, 平時我又好慳, 所以咪比自己放任一次囉!~
我由比錢嗰一刻去到番到屋企門口, 我已經透左十幾次大氣喇, 因為我都怕比我老公話我架!