今個星期日就係滕滕半歲喇, 話咁快竟已經6個月; 我成日係到諗, 滕滕, 你可唔可以入番我個肚入面, 我再生過你出嚟呀, 你做"牙牙仔" 嘅時間太短喇, 可唔可以變番一出世嗰時, 再湊多你一次呢?!
今日係個cam 到望到, 滕滕個頭頂同雙腳係張high chair到已經係頂底都掂到喇, 咁即係佢就嚟就好番唔可以係張high chair到小睡, 要番自己床仔瞓喇!
軒軒, 雖然你唔鐘意係張床仔到瞓, 乜嘢都望唔到, 不過, 你越嚟越大個仔, 張high chair 就只可以變做真係一張椅比你要嚟坐, 所以唔好話唔好啦, 因為你就嚟可以好快同我地一齊同枱食飯喇!
個個媽媽都希望子女快高長大，邊有媽媽希望唔大之餘仲要變細架???
回覆刪除不如生多個女吖，咁咪可以再湊多一次囉
[版主回覆09/09/2009 11:55:00]哈哈, 我想張個回憶再嚟多次嘛, 如果你第日生仔, 你就知道時間就真係過得好快!
生多個係囡.....我都好想!
平時拍多啲video，影多啲相都補償唔到咩?
回覆刪除不如叫姐姐幫手影相，有咩古靈精怪樣，返屋企都可以睇到嘛
[版主回覆09/09/2009 12:48:00]已經影左好多喇, 我只係覺得個質感少啫!