我最愛的滕滕軒,
我早幾日又買衫仔比你喇, 因為天氣開始轉涼, 所以要預備定d比較厚嘅衫比你! 買衫嗰時, 個靚女姐姐同媽咪講: "嘩, 你好細心喎, 度埋個囝個身幾長先買!"
咁就更係啦, 我咁辛苦撰撰埋埋d衫仔咁靚比我嗰個肥滕滕著, 買左番去, 唔啱咪好side!
睇住你, 一日一日咁大, 由瞓係張high chair到, 成舊飯咁, 至到今日, 係個cam到見到工人姐姐扶住你係地下到行, 我個心就好內疚, 因為平日最長嘅時間, 我就係公司陪唔到你, 只可以係個cam 到睇住你!
有時, 係個cam 到見到你同工人姐姐玩到"唧唧聲", 我真係好想同你玩埋一份; 有時又見到你要食奶, 係到喊到拆天, 真係好想有道叮噹嘅時光門, 即刻番嚟喂你食奶; 有時又見到你自己一個懵成成咁自己同自己玩腳, 我真係好想番嚟索下你隻腳仔d嗅味!
可惜, 你要體諒媽咪要番工! 你食粥仔嗰時, 我都有係公司吞口水, 好似係到教緊你食咁架; 你係到跳下跳下嗰時, 我都有係到講: 你個曵曵豬, 成日都係到跳!
所以, 如果有個願望比我, 我希望可以有兩個我, 一個係公司做嘢, 一個就係屋企到湊你, 因為見到你,再辛苦d, 我都唔怕!
love, love, love, love......u 嘅媽咪上!
你會唔會應該咁諗，係屋企做埋公司嘢就好喇。唔洗分開兩個你嘛，哈哈哈
回覆刪除[版主回覆09/26/2009 10:48:00]如果真係咁就梗係好啦, 但係, 呢樣嘢係冇可能發生架囉!
因為我同我老闆已經有個共識, 就係佢永遠都唔會抄我, 而我永遠都唔會轉工, 而且我老闆連星期六都要我地輪住番工, 唔想公司冇人, 所以佢跟本就唔會比我係屋企做嘢而唔使番公司囉! 除左生左嗰10個星期之外!
係呢, 你星期六使唔使番工架?!
我有時返有時唔返，睇心情啦
回覆刪除不過如果我老闆唔返，我就一定要返喇
星期六，返到公司都無嘢做啦
有嘢做都留返星期一先做喇
咁不如叫你老闆實行長短週啦
[版主回覆09/26/2009 23:38:00]你就好啦, 可以選擇性咁番工定唔番工!
係呀, 星期六其實真係冇嘢做架! 我番到去, 食完個早餐就再瞓多一陣, 因為我同我老闆講, 星期六唔想番, 係因為好眼瞓, 所以佢都預左我星期六係有瞓覺架!
我地星期六, 係三個輪住番, 即係放兩個, 就番一個, 咁好過冇啦!
那你一世都不用怕啦,有份工作永遠不會炒你,真是太好啦!以前我都想呀,但無論我怎為公司拼命,最後都是悲慘收場...........我人緣真的不太好!
回覆刪除你跟你老闆的關係真的很好呀!是否親屬的公司的?
有那麼好的公司難怪你不想做煮飯婆,要做工作,如果是我可能都會!因為在公司有歸屬感是很重要的,起碼它不會讓你不想上班的理由!又不用每天擔心被炒!
[版主回覆09/26/2009 23:54:00]哎呀, delet錯左潻!!!
其實我人緣都唔係太好架, 我個人講嘢有時冇留情, 睇唔過眼, 話你就話你, 都唔使比面! 所以, 如果有d人受唔到, 就好唔鐘意我架喇!
但係, 如果接受到嘅話, 同我做朋友, 就可以係好耐嘅朋友, 因為我個人好仲感情.........所以我會對我d朋友好好!
只係星期六可以選擇性咋
回覆刪除[版主回覆09/27/2009 11:58:00]好過冇啦!
我都係吖, 响公司睇住個 ipcam, 見到佢食奶嗰時扭計, 真係好想衝返嚟自己餵
回覆刪除[版主回覆09/27/2009 11:59:00]RIGHT! RIGHT! RIGHT!