而家都就嚟凌晨兩點, 但係都未瞓得著, 唔知點解!
今朝番工出門口之前, 滕滕唔知仲咩唔肯食奶, 仲要鬼打咁精神企左係到玩! 平時, 呢個時候, 時間都未夠7點鐘, 佢就係已經食完支奶都不特只, 仲要係已經瞓番, 係到睡夢中! 所以見佢咁精神, 就真係唔係好想出門口! 同佢玩左兩三分鐘, 我就比埋支奶佢, 等佢飲完先走, 咁佢亦都好乖, 好快就飲晒喇......不過, 點解你咁快咁晒呢, 我想喂埋你先走, 都係因為唔捨得你咋!
因為今晚放左工要去買嘢, 所以成11點幾先番到嚟, 但係番到嚟, 滕滕已經瞓左覺, 不過唔知點解個心不由自主地抱起左佢, 揇左佢一陣先捨得放番底佢, 因為我真係好卦住佢, 卦到連亞 dee 都呷醋!
唔知呢兩日點解, 望住滕滕嗰一刻, 我真係發覺我真係好鐘意, 好鐘意, 好鐘意佢, 好開心個天送左佢嚟比我!
軒軒, 你成日都冇見過媽咪喇, 咁你又有冇卦住我呢? 你呢, 就真係卦死我喇!!!
母愛氾濫
回覆刪除[版主回覆09/19/2009 12:03:00]哈哈, 連我自己都頂自己唔順, 但係好真係好鐘意, 好鍾意, 好鐘意囉!!!!
不過個個媽媽都係咁架啦
回覆刪除你係公司有無裝個啲cam呀?可以睇到屋企個啲呢?
我唔知嗰樣嘢叫咩名呀，裝咗之後，咪可以係公司都見到bb囉
[版主回覆09/19/2009 13:20:00]裝左喇, 係公司8個鐘, 就長開咁耐, 所以有時見到佢同個工人玩得好開心, 我就好想同佢玩埋一份!
起碼有得見，都安心啲啦
回覆刪除有啲在職媽媽，都唔可以返工見到bb呀
[版主回覆09/20/2009 09:44:00]睇到, 差好遠....
嘩!你公司可以看到家中的webcam 真的很好呀!起碼上班還可以見到自己個仔!
回覆刪除我都會好似你這樣好喜歡自己個bb架!到時我每日見到可能都會同你話掛住寶貝bb的!
[版主回覆09/22/2009 23:29:00]係呀, 係公司都可以見到, 真係好好多架, 不過有D死位就見唔到, 要張個CAM移位呀!