個工人都未夠3個月, 尋晚又講佢又想借錢, 真係痴線!!!!!!!!!!!!!
佢話佢老公係印尼撞左車, 地震又跌親, 所以要借3000蚊喎! 跟住我就同佢講, 你自己d錢就儲儲埋埋又唔用, 要用錢嗰時就冇, 咁不如由下個月開始, 我同你儲起佢啦, 等你有用嗰時, 就有得用啦! 跟住, 佢就話唔使喇! 我同佢講, 我d錢都係好辛苦咁儲, 唔係話有就有架, 香港地, 搵食艱難,d錢唔係好容易搵番嚟架! 跟住, 佢又話啱啱出左嗰d糧佢都未汇過去, 咁就我就話, 係囉, 3千幾夠晒啦, 之後佢就即刻話得嗰3千幾唔夠喎! 嘩, 乜印尼消費唔係好低嘅咩, 佢話佢老公打政府工, 一個月都有一千, 咁3千幾都仲唔夠, 你話!
有冇咁煩呀!!!! 我請你番嚟係同我照顧個屋企, 唔係增添我煩惱架!!! 我今晚就會同佢講, 既然你屋企個個月都有事, 唔係你亞媽, 就你公老, 咁不如你放4日假番去睇睇, 橫掂番到去先可以攞到錢嘛, 咁番去咪順便攞埋囉!
睇下佢點答我!
你這樣同她講對的啦,既然你不董儲錢,那以後我幫你囉!
回覆刪除講真她那份人工無什麼事都可以成份糧儲蓄起來,她食你的,住你的,用你的,除非她出去約朋友,如果不是是很少用錢的,即使約朋友都無可能成份糧無的!
你都費時理她啦,做工人應該做好本份,不要讓人感到煩!
[版主回覆09/10/2009 09:21:00]佢唔係唔識儲錢, 而係d錢儲埋唔用, 要用就問你借!
我問過佢份糧係點分配架喇, 2000蚊就寄番屋企起屋, 1000蚊就入去自己個印尼戶口(佢地話, 呢個戶口有入冇出, 要番到去印尼先可以攞錢嘅, 係hk唔攞得), 另外剩低嗰五百幾, 就留番比自己用, 即係每個星期百幾蚊到!
所以我就話佢, d 錢就收埋唔用, 要用就問人借, 邊有咁多錢借比你呀!
你個工人明當你係水魚喎，你係咪寫咗"好人"係額頭呀?
回覆刪除印尼清費係低，不過醫療費用高嘛
如果你放佢假返印尼，咁機票錢係咪你出架?
[版主回覆09/10/2009 14:27:00]咩係"清費"呀? 如果佢未做夠兩年而真係要番去, d機票係佢自己出架, 如果唔係, 我點會大佢啫, 我唔會做埋d咁蠢嘅嘢嘅!
我諗我個額頭唔係鈼住"好人"兩個字, 而係"76"呢兩個字囉! 乜生左之後, 個樣真係會變嘅咩.......哈哈哈哈........
SORRY呀，係消費呀
回覆刪除我諗你個額頭唔係寫"76"，係寫"借錢呢邊"...哈哈哈哈哈
[版主回覆09/10/2009 13:04:00]哈哈.....發財埋邊吖, 哈哈哈哈.........