前日真係把鬼火, 因為亞dee成日卦住去睇車, 打比佢又唔聽, 電話又唔覆, 所以原本諗住佢放早可以去街市買d瘦肉比軒軒煲粥, 都要我放左工, 趕去街市買左先去搭車! 好啦, 知道佢都係買唔到瘦肉, 就諗住叫佢去買支藥膏比軒軒, 因為有蚊咬佢! 呀, 頂! 又唔聽電話!
好! 所以番到去食飯嗰時, 我就話: "我有嘢要宣佈! 從下個星期開始, 我唔再去買餸!" 我同個工人講, 以後有關飯餸嘅嘢, 你唔好再打比我, 冇菜--> 打比先生, 冇肉-->打比先生, 冇米-->打比比先生! 總之以後關於三餐都打比先生, 唔好再打比我!
因為我覺得:
1) 我唔可以乜嘢都做晒
2)點解我要自己做晒咁辛苦
3)點解我做晒D嘢, 亞DEE都唔覺得我對佢好好, 唔使佢做, 仲可以做晒D嘢, 冇諗過要幫手
4)點解佢覺得佢搵車已經好辛苦, 唔覺得我自己一個做晒D嘢仲辛苦
5)點解我要佢幫我嗰陣時, 佢仲覺得我煩住佢, 唔自己攪掂
以上仲仲原因, 都足夠比我自己千萬個理由, 可以叫佢: 以後買餸由佢負責, 因為佢要知道, 我都好多嘢要做架!!!!!!!!!!!!!!!
你指意晒佢，咁你同個仔以後食咩呀?
回覆刪除你有無問佢搵車有咩咁辛苦呀?
[版主回覆09/28/2009 12:01:00]住屋嘅所有嘢都係我理, 包括水、電、煤、電話費、上網費呢d, 仲有佢屋企嘅嘢、我屋企嘅嘢都係我理埋, 生左之後, 咁理埋個囝就更係唔使講啦, 所以屋企嘅嘢佢基本唔需要擔心!
佢只係搵車啫,又話呢架咁, 就嗰架咁,睇完又睇, 睇啱個價錢就唔啱, 啱晒喇, 嗰個人又話佢親戚要喎! 所以佢覺得咁煩就好辛苦!
辛苦!!!辛苦!!! 辛苦得過我咩!!! 佢要on shift, 係屋企嗰時, 唔係瞓覺, 就上網睇車! 我呢, 我放左工, 番到屋企食完飯就開始湊番個仔, 個仔日日就11點食完奶我先可以上下網, 跟住就瞓啦!
星期一lunch食完飯就去買餸, 攞到成食狗咁番屋企! 星期日個工人放假, 如果佢番工, 又係我單拖! 如果星期日我亞爸亞媽入埋嚟, 嗰個星期日就仲辛苦過番工!
我呀, 真係要比d顏色佢睇呀, 叫佢以後去買餸呀, 如果唔比番d嘢佢做, 佢點知我咁多嘢做, 咁辛苦呀!~
唉, 唔好意思, 搵左你嚟發洩潻!
搵我發洩無所謂呀，最梗要係唔好同佢嘈
回覆刪除既然佢一直老馮咁指意你做晒屋企啲嘢
咁你就叫佢幫你分擔嘛
其實個啲水電媒，可以自動轉賬喎
雜費唔洗我理，餅餅搞掂晒
家務又唔洗我理，我只係理煮飯，買餸
唔煮飯，就諗去邊到食，所以我都好忙架....哈哈哈
[版主回覆09/28/2009 12:41:00]最衰都係我, 係我習慣左佢囉!
我成日都諗住佢on-shift 好辛苦嘛, 所以全部d嘢都係我攪擔晒!
不過, 就係佢! 嚴我煩, 所以我先谷鬼氣!!!
佢呀, 今朝去左買餸呀, 等佢買幾個星期, 睇下佢點!!! 睇下佢仲以為我好梳乾呀嗱!
d男人真係唔可以對佢太好!!!
你對佢太好之餘，佢又唔識自動自覺幫下你手，已經唔值得原諒啦
回覆刪除好彩你有個工人湊下bb，做下家務咋，如果唔係辛苦死你呀
今日只係第一日，佢捱唔捱到幾個星期呀
[版主回覆09/28/2009 13:05:00]係呀, 只怪我對佢太好啦, 仲要係縱慣左佢啦!
而家有個工人好彩好d, 好似之前未生咁, 我真係一腳踢架!
哈, 佢捱唔捱到.....我更係希望佢捱到啦, 咁我就以後唔使做呢樣嘢喇!
咁你係咪比張list比佢要買啲咩架?
回覆刪除定還是佢要諗埋食咩餸咁架?
[版主回覆09/28/2009 14:34:00]哈哈, 我叫個工人, 逢星期六晚比張list出嚟, 星期一至五食d乜, 跟住我就寫份量, 叫我老公去買囉!
所以佢地兩個都好突然我叫佢地咁做! 哈哈哈哈............
但你老公係咪真係明架?等陣買錯你唔好發火呀
回覆刪除要慢慢比啲耐性喇
男人始終都係粗心大意喇
[版主回覆09/28/2009 14:58:00]佢好懶皮架, 如果我發火鬧佢, 佢會係到跳蛇舞架!
跳蛇舞係點解呀?
回覆刪除[版主回覆09/28/2009 16:55:00]個身好慢咁係到擺動/跳舞, 而意思就可以好多, 例如: "仲咩鬧人喎"、" 係咩~~~我唔知/我唔識喎"、"吹咩"等等等等......
係咪即係小新個啲呀?
回覆刪除[版主回覆09/28/2009 17:21:00]都差唔多喇, 總之睇到會反眼啦! 鬧佢又唔係, 唔鬧佢條氣又唔順!
咁梗係鬧咗先啦
回覆刪除不過我一鬧人，就唔知自己講咩
因為有時衝口而出的說話好hurt人喇
[版主回覆09/29/2009 09:28:00]都唔係淨係你啦, 個個鬧人嗰時, 講d說話都好難聽架啦, 因為一定食發洩埋其他谷鬼氣嗰d出嚟, 一次過小埋!
我老公都是什麼都不想做!我今晚叫他買些麪回來,再叫他買水果,他已經比很多說話我聽啦!又話下雨,要拿雨傘,又要拿電話,好多東西拿,脾氣超差,於是我就罵他,我話我大住個肚都要去買一秋兩秋東西啦,我今日去買餸都有下雨,你以為我不用拿雨傘咩!我還要腰很疼,都撐住上,跟住就cut了他的電話!
回覆刪除少少東西就吱吱喳喳,男人真的沒有女人的有用!
[版主回覆09/29/2009 09:25:00]D男人真係唔鬧唔得!!! 成日都以為自己好鬼忙, 好鬼多嘢做, 佢地又唔諗下我地平時已經做唔少啦, 幫幫忙都得卦!
咁我又好彩我老公都算就得下我
回覆刪除不過睇完"緣份BB駕到"，我先發現我老公都唔鍾意自己一個人去街市買餸，一叫佢自己去街市，佢就會話:不如叫外賣啦，出街食呀，煮個麵食吖...等等等等呢啲避開自己去街市買餸嘅借口喇，但如果我去街市買餸呢，佢又好鍾意跟埋去架喎，佢就會話:你辛苦呀，我幫你攞嘢，推車仔吖
我真係唔明，點解佢唔可以自己去街市呢?怕瘀?驚比人呃?......
我爹地日日去街市都係咁啦
我地做職業女性真係好辛苦，好難做...唉!!!!!!!!!!!!!!!!!!!!!!!!!!!!!!!
[版主回覆09/29/2009 10:29:00]可能有d男人真係怕瘀都唔定, 不過, 我老公唔係怕瘀, 而係懶囉, 架車未撞嗰時, 佢去買餸就鐘意揸車去, 因為我地最近都要去隔離村買, 但係隔離村嗰d 又唔新鮮, 所以要再去遠d, 如果有車, 佢就冇所謂, 但係而家冇車, 佢就極之唔想囉!
但係, 我呢!!! 我係公司附近買完, 要搭成個鐘頭車先番到屋企, 咁我咪仲遠!!!
不過, 其實如果我買, 我都唔介意, 因為之前都係咁, 不過, 就係因為有d嘢要佢係屋企附近買佢都嚴我煩住佢, 就唔得!!!!!!!!!
所以, 真係架, 你講得啱, 其實我地呢d職業女性仲辛苦過佢地d男人架, 但係佢地d男人就成日以為佢地番工仲辛苦過我地, 其實都唔知辛苦d乜!!!
我老公成日都是講一套做一套,好似他老媽,這邊不想我辛苦,那邊不幫我,所以我話他是假關心!比我講到句句入心入肺,不敢再博我啦!
回覆刪除[版主回覆09/30/2009 09:06:00]有陣時如果真係興得済, 我就會唔聲, 跟住就用一招以牙還牙......... 到時佢就知, ! 等佢嚟一個措手不及........ !
跟住我老公就會.......自己係到笑, 知我係泡制佢架喇, !