我發覺呢個滕滕真係好鬼死曵! 今日係星期日, 之前嗰個星期, 佢反身都仲未係好叻, 但係過左一個星期嘅段練之後, 我就發覺佢呢!!!!!好鬼死曵, 用呢招嚟整我!
之前個個星期日朝通常食完 7 點嗰餐奶, 我都會放番佢落床仔到瞓番, 咁當然我就更係都一斉瞓啦, 星期日喎! 不過, 就係因為佢反身反得叻左, 但係又未識反番轉頭, 所以扒左係到之後一陣, 就好攰, 個頭就跌左係張床褥到, 係到叫救命! 一聽到佢d叫聲好似比嘢"局"住左, 我就知佢反左但係個頭又冇力喇, 所以我就起身同佢反番轉!
不過, 幫佢反番轉個身之後-> 佢又反身 -> 又叫救命, 我又幫佢反番轉個身-> 佢又反身-> 又叫救命, 如事者成三四次......喂, 大佬, 你係唔係玩嘢先, 咁你即係叫我唔好瞓啦!!!
滕滕呢個行徑, 跟本就係玩嘢, 佢知我聽到佢叫救命就一定會去救佢, 所以.........你好嘢!!!
你個曵曵豬, 我而家記底晒你嘅曵嘢, 等你大個就同你算帳!!!
咁你都有排同個仔計喎!!!哈哈哈
回覆刪除[版主回覆09/21/2009 17:37:00]所以咪要寫blog記住囉, 寫blog個原因都係咁之嘛 !
哈哈哈，你都得喇
回覆刪除第時比佢睇返，就知你幾偉大喇
[版主回覆09/22/2009 12:31:00]都唔算好偉大啫, 因為 暫時 唔係我想像中咁辛苦啫!
母愛係偉大嘅，所以你都好偉大
回覆刪除