仲咩咁多人問我借錢架!

今日下午, 收到個朋友個sms問我借萬伍蚊, 嘩, 咁多錢, 點借呀, 你估我d錢真係多到冇地方用咩, 而家有左個囝, d錢就更加唔可以亂用啦, 何況借!

好啦, 係食晚飯之際同亞dee講緊呢樣嘢嗰時, 我就轉個頭問個工人, 仲咩咁多人問我借錢架, 你睇我個樣, 乜好似十萬九千7未開頭, 有錢冇地方使咩!  其實我咁問個工人, 係想比知, 我唔想借錢比人, 同埋我亦都冇咁多錢借比人!

不過, 當我問完個工人之後, 佢就即刻同我講: 我都想問你借錢呀!

唔係嘛, 又借, 仲咩事呀???  佢話佢老公撞車喎!!! 撞車, 仲咩撞車呀???  跟住亞 dee已經即刻轉左個頭, 當聽唔到, 唔理。跟住, 我就扮嘢, 望一望我老公, 再望一望個工人, 暗示話先生唔鐘意!

嘩, d 印尼工人係唔係成日都係咁架, 一時又話亞媽有事, 一時又話老公有事, 咁如果佢有7/8個兄弟姊妹, 兩個月就講一個有事, 咁咪講足兩年, 問借錢問足兩年!!!

痴線嘅咩, 你估我平時咁慳, 係慳埋嚟借比人架, 我自己都唔捨得用啦!

個個都問我借錢, 邊有咁多借呀!!!!   痴線..............