我發覺滕滕除左個樣唔係好似我之外, 其實個性格都差唔多!
好多人之前都話有胎教, 生完之後, 我就信到十足十!
事原係由尋晚開始, 唔知係唔係我同佢玩得癲過頭, 所以佢尋晚半晚喊醒左成兩次咁多, 連埋今朝天光嗰次加埋, 就喊醒左三次, 所以佢起身食奶, 食左大半就已經瞓著!
所以, 一見到佢唔食, 要瞓, 我就同佢講食完先好瞓喇! 不過, 一講完之後, 佢就即刻醒左, 跟住就好唔耐煩咁叫: 呀~~~~
喂, 你又要同人玩, 玩得癲過頭, 又發惡夢係到喊, 朝早眼瞓又唔食晒d奶, 叫你食埋佢, 你又發皮4, 好似話人地嘈住你瞓, 喂, 你使唔使咁惡呀! 我知, 你唔鐘意人地好話你嘛, 雖然我都係, 不過, 你話唔食就唔食, 咁唔得架噃!
好學唔好, 話唔鐘意就唔鐘意! 如果係咁, 我d好嘢, 你都記住學埋, 唔好好似你老豆咁, 做嘢慢九拍呀!
我老公做嘢慢十拍呀，對住我啲屋企人，好似自閉仔咁，踢一踢郁一郁
回覆刪除[版主回覆09/23/2009 11:54:00] 原來好多老公都係咁, 對住自己d屋企人就好正常, 但係對住個老婆d屋企人就乜都唔想理!
本身我老公係係佢屋企最細, 而我係最大, 所以佢唔做我都冇乜嘢, 因為我嗰兩個細佬都唔做, 如果我大細超要我老公做, 佢一定唔會彩我!
我屋企排行係最大，我老公又係排行最大
回覆刪除都唔知點解一去到我爹地媽咪屋企，成個自閉樣出咗黎
見到佢都眼火爆呀
[版主回覆09/23/2009 14:28:00] 佢地呢d叫做自動失調囉, 你去到佢屋企都可以嚟呢套架!
我唔想見到佢亞媽，所以盡量少去
回覆刪除[版主回覆09/23/2009 15:09:00]咪仲好!