因為之前有個朋友借左套 bb碟 比我燒, 所以我燒左一套之後就幫埋我其他朋友燒, 一共都燒左成6/7套, 就係因為咁, 我嗰個朋友+同事, 佢就問都冇問過我, 答應左佢個fd幫佢燒一套! 佢答應當然就係冇問題啦, 如果佢幫佢個fd燒, 但係, 佢答應佢, 係居然叫我燒比佢個fd!!!!!
人情就佢做, 但係做就我做! 問都冇問過我肯唔肯幫佢個fd就一口代我答應左, 有冇攪錯呀!!!! 雖然呢個人我都識, 因為都係大家嘅舊同事, 但係唔好借我過橋去做人情囉, 仲要今日比我發現, 原來我都識嘅呢個人, 佢燒套碟嚟比佢個囝, 唔係佢所講嘅親戚, 而且我呢個朋友+同事係知!!!! 咁我即刻我比佢兩個夾埋厄我!!!!!!!!
火滾......... 真係好火滾.......我居然比人利用左我鐘意幫人呢個優點, 問都冇問過我, 就當我一定會幫佢個fd, 仲要夾埋人地嚟厄我 !!!!
唔好咁唸....你做好人o者而已
回覆刪除唔好計啦, 時時都咁做人好難過架 :) <雖然有時我都係咁hahaha>
[版主回覆09/07/2009 15:18:00]如果我個朋友+同事問一問我幫唔幫佢個fd(都係即係我舊同事)燒碟, 我幫都冇咩所謂, 但係佢唔應該答左人地好, 就叫我去燒囉! 同埋, 佢發散晒比佢d朋友知, 問佢d朋友要唔要, 好似我一定會幫佢咁!
你知嘛, 燒一套要成個幾兩個鐘架, 仲要stand by 係到換碟, 唔係一兩套架! 而家我放工番到屋企, 都已經鬼死咁唔得閑架啦, 如果成日係咁燒碟, 我就要係間房到, 一晚出出入入十幾廿次, 你估真係就咁放入去就得咩! 整得d碟嚟, 個囝又醒, 一陣佢又喊, 又要食奶, 咁你話佢係唔係唔理我死活吖, 仲話係朋友喎!
你係咪同你朋友唔妥，所以你個朋友+同事無講佢比你聽呀?
回覆刪除咁你有無質問佢點解佢要呃你呀?
既然你有你個難題，你同你朋友+同事講嘛，你知佢老鳳架啦。
[版主回覆09/08/2009 10:41:00]我個朋友+同事係冇腦架, 佢乜都唔諗, 唔會諗下我而家鬼死咁唔得閑, 怕唔怕左住我, 佢只係一味諗我咁鐘意幫人, 一定冇所謂!
我唔可以問佢仲咩厄我, 因為講比我聽嗰個人, 叫我當唔知, 所以我個心而家都仲係火屎緊!
你知嘛, 尋日食完lunch, 去街市買菜平時lunch食(我順便買埋屋企餸), 叫佢去菜檔買住等我, 佢都話唔知買咩喎........頂! 你話佢個腦都唔知要嚟仲乜!
呢個咁嘅人，你仲同佢做朋友?
回覆刪除人頭豬腦的人最好，永遠都有人照顧
我地就無呢個福份喇...
比著要我對住呢類人，真係由低血壓變高血壓呀
日日都激到生蝦咁跳。
[版主回覆09/08/2009 11:21:00]佢雖然蠢, 但係我諗佢都唔想嘅(wahahahaha....), 不過, 你又講得啱, 我對住佢, 就真係已經嘔左幾斤血!
我唔可以對住啲咁蠢嘅人，因為我已經係蠢人一個，再對住啲蠢人就upgrade唔到自己，攪到自己EQ都低埋
回覆刪除[版主回覆09/08/2009 12:17:00]但係, 我有時想自己蠢d, 因為成日對住d咁蠢嘅人, 我d紋就會越嚟越多, 死好多細胞同埋我都唔想我成日都咁火滾呀!
咁點呀，佢擺明係蠢過你，你就一直咁忟憎...噢~~~
回覆刪除