今個星期開始, 叫姐姐整蘋果蓉比滕滕食, 初初佢都有D唔習慣, 但係亞DEE話佢食下食下好似好好味咁, 我係隻眼到, 睇見佢都食得幾開心, 更係啦, 佢出世以嚟, 第一次食D咁好味嘅嘢, 更係越食越鐘意啦!
呢幾排, 陀住軒軒仲感覺又番嚟喇, 佢食完奶之後"POK"左係我到成30分鐘, 過左呢30分鐘之後, 個pat pat有d痺, 腰骨有d攰, 好似就嚟生嗰時陀住佢咁比佢壓住! 雖然只係短短30分鐘, 但係乜嘢都現形, 所以我都唔係好明, 點解嗰時咁重都忍到, 而且而家仲好回味嗰仲辛苦法, 你話幾變態呢!
今日, 仲係到諗緊買唔買條"揹帶", 好似唔係好需要用, 但係到有需要嗰時, 又真係好需要, 究竟點呢, 條"揹帶"要成五舊幾六舊水.............買唔買好呢?!
軒軒, 不如你話啦, 買定唔買呢, 不如係你d利是錢到攞吖.......哈哈哈..........
梗係買啦，唔洗抱到手軟呀，又可以借力。
回覆刪除[版主回覆09/03/2009 11:36:00]因為怕佢好快識行, 到時唔肯用, 就side 晒架喇!
都幾個月後至識行啦
回覆刪除[版主回覆09/03/2009 12:59:00]係, 都要幾個月後先識行架, 不過, 而家都冇需要用"揹帶", 所以如果買左, 都唔知幾時先會用......
你多啲帶bb出街，咪可以用多啲囉
回覆刪除[版主回覆09/03/2009 15:39:00]唔係話出就出架, 我老公on shift 架, 我一個人同個囝出街, 就攞唔到bb車, 就要用揹帶, 如果天氣唔係咁熱, 都可以考慮下, 但係好似而家咁熱, 用bb車就大家都會舒服d, 所以條揹帶就最好就冬天用喇!
但係, 又怕佢冬天時唔肯比我用揹帶, 所以好懊惱.........
其實, 點解要而家決定呢, 就係我問左我朋友借左張discount card喇!
咁既然有discount你仲唔買?仲要考慮?
回覆刪除買啦，買啦，買咗一定有用，唔買就無得用
或者你好快有第二個呢，又或者你身邊朋友會有用呢...好多或者噢!!!
[版主回覆09/03/2009 20:02:00]如果有第二個, 我家姐叫我唔好買, 佢話佢用完比我喎!
用印尼揹帶呀，好多人用架....
回覆刪除[版主回覆09/03/2009 21:23:00]係唔係只係得一條, 淨係包住個 pat pat嗰隻呀?
如果有車仔就不要都得啦!"咩"住都好辛苦架!
回覆刪除[版主回覆09/04/2009 15:57:00]但係, 如果真係有需要我自己單拖出街, 我就攞唔到bb車喇, 除非, 西鐵->地鐵-> 地鐵啦, 唔可以一程巴士囉!
你個仔都很大個啦,用揹帶可能還辛苦呀!
回覆刪除[版主回覆09/06/2009 23:08:00]都係就嚟6個月啫, 睇落去好似好大份, 其實都唔係架!
你架bb車好重呀?當初買輕些現在就用得著了,但是聽講太輕又會反車,又不防震!
回覆刪除[版主回覆09/06/2009 23:13:00]嘩, 架BB車真係好重......重到兩隻手攞起都要用好大力, 同埋, 揸(要用揸字嚟形容, 你話幾大架呢)出街, 真係好似揸隻船出海咁!
雖然就真係好巨型, 但係係初生嚟講, 就真係安全D, 冇咁容易反囉!