個會計又係一個乞衣! 個水機樽水之前已經比佢自己一個人三日就換一樽, 一間公司, 連埋老闆+老闆娘都係得嗰5個人, 佢居然攪到3日要換一支水! 仲要下下等到我地一jump 水, 就變紅燈, 要換水!!!
唔係嘛, 你玩嘢咩! 咁大支水, 三日要換一支, 你講比人聽, 人地都以為你公司有十幾個人啦, 你點飲架! 梗係啦, 係公司, 又煲湯, 又煲藥, 又煲果皮水, 連蒸飽嘅、洗菜嘅水都係攞水機嘅, 有乜辦法唔三日換一支吖, 枉你仲話拜咩神, 去咩大嶼山靜修, 修你條命咩, 修!
好啦, 我地知你衰得咁交關, 成日陰我地一 jump 水就變紅燈, 咁就梗係局你自己換水啦! 不過, 你都算衰到冇人有, 無啦啦話手痛!
你咩人嚟架, 煲咁大煲嘢, jump 嗰時又唔見你話手痛, 換水你就話痛! 我同你講, 我朵菊花、百合、康乃馨一出力, 都好痛架, 你估淨你先識痛架!!!
你以後一返到公司，第一件事斟一大樽水收埋係自己個位先
回覆刪除無水都唔怕嘛
喂~~~成間公司一齊手痛玩下佢吖
佢聽日無水用，自然會換啦
[版主回覆09/21/2009 17:39:00]佢唔敢叫我換, 次次都係叫我個朋友+同事換, 我都叫我個fd話腰骨痛架, 佢唔講之嘛!
真係有啲咁賤格嘅人~~~
回覆刪除[版主回覆09/22/2009 12:10:00]有! 仲要成日同人講彿計, 都唔知咩人, 彿口賤心!
佢仲有同我個朋友+同事講, 話唔好食咁多肉, 個人會短命d喎!
你話佢把口幾pk吖, 我問我個朋友+同事, 仲咩佢同你講嗰時, 你唔叫佢同老闆講呀!
佢有咁嘅心底，要咁長命都無用啦
回覆刪除[版主回覆09/22/2009 23:42:00]都係架, 佢成50歲人, 有冇結婚, 男朋友又冇, 咁長命都好寂寞啦!
佢咁嘅心地邊有人要呀?
回覆刪除孤獨終老，與佛為伴啦
[版主回覆09/23/2009 10:10:00](Empty)