軒軒而家成日都要企, 企企下, 仲要係到跳, 跳到痴左線咁, 個工人仲話, 而家一同佢落地行, 就仲開心!!! 唔係嘛, 咁快就落地行, 咁即係唔使好耐, 我地就好似看牛咁看喇!
前日, 亞dee帶滕滕去健康院時, d姑娘講, 而家可以食得粥仔架喇, 問我地比佢食過未!
唔係嘛, 食左喇, 仲要一日兩餐喇! 跟住個姑娘又問, 食完粥仔可以唔使補奶粉比佢喎!!
唔係嘛, 佢成完粥仔, 都仲未夠喉, 要飲埋奶喎!
個姑娘即刻就話喇: "吓, 你比咁多嘢佢食! 太多喇! 食左粥仔, 可以唔使比奶架!"
吓, 佢食左大半碗粥仔之後, 就唔想食喇, 我地都曾經以為佢飽, 但係過左一陣, 佢就係到嘈喇! 咁我地咪開左100cc比佢飲囉, 佢都照飲, 飲完就乖晒喇!
咁如果佢真係唔夠, 唔通我地唔比佢飲咩!
滕滕, 你食咁多嘢, 唔好變肥仔呀, 第日大個就唔靚仔架喇! 夠飽就算喇!
咁其實都唔係好多啫，半碗粥仔點會夠飽吖
回覆刪除[版主回覆09/26/2009 10:53:00]bb d 粥仔好"傑"架, 可能食完都飽左7/8成架喇(我覺得咋), 因為佢地個胃仔有幾大啫, 不過我覺得再飲d奶, 就好似我地食完飯一樣, 飲多碗湯或者飲番杯水咁, 加番d充塞嘅感覺--> 飽晒, 咁囉!
不過, 我個囝又好似大食左d, 因為佢而家已經就嚟食一碗咁济喇! 一日兩碗, 又加奶.........嘩..........
咁一係喂少啲粥仔囉，反正bb一定要飲奶，如果唔係撐大咗個胃好難收細返架喎
回覆刪除[版主回覆09/26/2009 11:33:00]而家中午嗰餐, 我地比粥佢食之後, 就冇比奶,比水, 因為中午佢可以食成碗, 而6點幾嗰餐, 就比番小d粥囉, 費事佢真係變左肥仔肥滕滕呀!
不過, 我之前陀住佢嗰時, 都食得好多嘢, 曾經係6/7個月嗰時, dr 都話過我食得太多, 佢肥得济呀 !
唉~~~食多啲又怕肥，食少啲又怕唔夠飽
回覆刪除bb快啲識講嘢就好喇~~~
[版主回覆09/26/2009 23:18:00]雖然BB唔識講我地D話, 但係佢地嗰D"衣衣牙牙" 已經代表左佢地想講嗰D嘢啦, 同埋, 佢一喊, 就都係代表左嗰幾樣嘢: 餓, 眼瞓, 尿尿, 屎屎!
其實只不過係我地唔明之嘛!
食得多長大得快些呀!不過不要變肥仔就ok啦!你不肥,你老公也不肥的,應該肥不了去那裡!
回覆刪除[版主回覆09/26/2009 23:19:00]希望佢唔好變肥仔啦! 因為我真係怕架!
我看d書話~如果佢有一餐好似佢吃得半成~在下一餐之間唔好理佢，就算佢幾曳咁叫都好，等佢下一餐的時間再吃就會餐吃多一點，因為佢知道唔吃會 hungry ，咁就會一次過吃晒啦~有時中間時間可以俾點點果汁佢，但係唔好整亂時間表。
回覆刪除有d人話bb仔肥唔緊要嫁~最緊要唔系過肥~因為佢出 teeth 果些時間都唔會肯吃野~咁到時會好thin，唔肯吃野~一唔夠營養就好易病咁~~~所以佢一餐吃到再多都冇所謂~
[版主回覆10/02/2009 03:17:00]健康院話佢係中SIZE, 但係就話佢食得太多嘢囉.......但係我又唔係好明, 以佢而家咁食法都係中SIZE, 咁係唔係由佢咁繼續食呢???!!!
......其實我都由佢喇, 學係話事計, 唔好過肥咪算囉!