尋日係青衣見到大嗰個細佬, 就真係好開心, 因為真係好卦住佢! 就係因為尋日見一見, 就諗番起佢老婆之前同我講過嗰d 嘢, 就係我細佬話佢自己係冇童年!
因為自從最細嗰個細佬出左世之後, 佢個樣好鬼死得意, 所以屋企人人都錫晒細嗰個, 而忽略左呢個大! 其實, 講真, 我細個嗰時都係好細個, 邊識得呢d嘢呀, 只係見到細嗰個細佬好得意就錫晒佢、就晒佢, 邊知道咁樣會hurt到大嗰個吖! 細路仔又唔識做戲, 所以鐘意細嗰個就細嗰個, 唔理大嗰個就唔理, 所以就係咁樣, 攪到大嗰個係童年嗰面咁唔開心!
不過, 就係係中學嘅唔知邊一年(都唔記得左), 大嗰個細佬係中秋節玩蠟燭嗰時, 比人噴口水係D蠟到, D蠟就彈到細佬成隻手都係, 跟住我地就即刻同佢入醫院, 由嗰一刻開始, 我就開始緊張我呢個細佬!
嗰時先開始緊張可能就遲左d, 不過希望佢而家唔好再諗我地冇人理佢喇! 因為大個左, 都已經知道兩個都係細佬啦, 都唔會大細超架喇!
我嘅童年都好模糊，只係記得媽咪爹地無乜陪過我，我好孤獨，一直到7歲至有一個妹妹，但妹妹又好快飛走咗，我又變返孤伶伶一個人，直到妹妹兩歲返黎，我嗰時都9歲，讀梗5年級喇，已經覺得妹妹好煩好煩，因為，我要成日睇住佢...直到而家，都要睇住佢，因為佢比我更任性
回覆刪除[版主回覆01/30/2010 12:39:00]有得任性好過我唔可以任性........我都好想可以任性下, 可惜我唔可以........