今日係星期六, 我尋晚已經打算, 今日成日都唔會離開滕滕, 除左去toilet之外!
所以, 今日10點幾起身之後, 就同滕滕一斉去睇醫生, 我睇完就同佢去睇! 因為滕滕比我傳染, 所以我對住佢亦都冇帶mask喇, 因為大家都係咳同感冒......咁大家嘅距離,又可以近番D喇! 睇完醫生, 都成點幾鐘, 跟住就去買餸啦, 因為呢輪老公成日都 OT, 咁既然我得閑, 就放佢一馬, 幫佢買下餸啦, 買完跟住就去JUSCO, 買埋魚比滕滕煲粥仔! 攪完一大輪, 番到屋企, 我食完藥, 跟住就到滕滕食, 食完, 就大家一斉覺豬仔!
滕滕真係麻鬼煩, 放左佢係我隔離, 都要成半個鐘先肯瞓! 喂, 乜瞓覺真係好難為你咩??? 我地由3點半, 瞓到成6點! 勁呀!!! 滕滕好耐都未試過日抖瞓咁耐架!
今日成日, 我嘅職責就係湊住滕滕, 所以我要努力, 我要滕滕要我呀!!!
成功未呀???
回覆刪除[版主回覆01/11/2010 10:03:00]........唔...........好d, 好d! 不過, 今日又要離開喇 !
不如你停薪留職啦，等bb入咗學，你再出返黎做嘢囉，你咁樣心掛掛好辛苦架喎
回覆刪除[版主回覆01/11/2010 12:01:00]而家又未可以去到停薪留職呢個地步喎........所以好迷
你們兩個好返些了沒有呀?
回覆刪除[版主回覆01/11/2010 12:01:00]我就好左d, 但係滕滕就好似好左小小啫, 再食下藥啦!
唔緊要喇, 放工後多D陪佢, 大D佢就知邊個係阿媽架喇, 比心機呀!
回覆刪除[版主回覆01/11/2010 15:29:00]我唔想等357年佢先知呀 !