我係唔係得罪你全家呀?????

尋日賴醒book左做回鄉9:30,跟住做回港11:30, 以為好perfect 啦, 不過好彩我今朝一早打去中旅社confirm 要帶咩文件嗰時, 佢地同我講要申左回港先可以做回鄉喎, 所以今朝唔使去中旅社啦~

10:00去到入境處, 睇下有冇得偷雞早d整啦, 點不知佢地話冇我record 喎~ 嘩! 好彩我print 左張預約表出嚟啫! 等佢地check, 都攪到成11:45先有得埋枱整証呀, 所以偷雞嚟都冇用!

因為上次整passport, 條友打錯左滕滕個舊名, 所以我今次一嚟就同佢講, 叫佢睇清楚, 唔好又入錯個名, 如果唔係佢地又要再做過! 我個心都係想提醒佢啫, 點不知個仆街女人幾串呀, 第一句就好冇禮貌咁問我: "幾時改架?" 我一聽到佢d語氣咁"屈", 我都唔係好好好態度咁答佢: "我唔記得幾時改喎, 係張出世紙到有寫架!(條八婆當時手係攞緊張出世紙係手) , 跟住條八婆又再問我即係係邊! 跟個時候我開始扯火喇, 即係同佢講話佢好冇禮貌!

呢條八婆都唔弱, 因為佢跟住居然挑戰我:

八: "唔覺有咩問題喎!

我: 你唔覺有咩問題, 我覺得你好冇禮貌囉! 你呢D咩態度呀!

八: 我唔覺得有問題!!!

跟住佢又攞張副處証問我簽名係邊個嚟

我: 更係知啦, 如果唔係佢點會簽名呀!

八: 呢張嘢係要佢清楚知道做咩事佢先可以簽名, 仲有相呢?

我: (我已經攞左出嚟)係到啦!

八: (好撚串嘅態度)你攞入嚟D!

我: 小姐, 你呢D咩態度呀!

八: 我唔覺有咩問題!

我: 你冇問題? 我而家得罪係全家呀! 你講嘢咁冇禮貌, 連街邊個小販嘅亞婆D態度都好過你!

八: 小姐! 你問你嚟做乜架!!!

我: 我嚟做乜? 我問你我而家做緊愉呀??? 我係唔係得罪你全家呀? 你坐係到又做緊乜呀? 你問我嚟做乜, 咁我問番嚟你而家做緊乜吖!!!

全程我地對話當中, 都有個著制服(應該高級D)企係後面聽到晒我地嘅對話, 佢見我越嚟越火, 佢就行埋嚟接手左條八婆喇! 呢個制服女人一坐嚟, 就已經同我講唔好意思, 因為嗰個八婆唔舒服啱啱睇完醫生番嚟! 一聽到佢咁同條八婆解釋, 我就已經知個制服女人都睇&聽&知道到佢同事真係十分冇禮貌, 不過我就答佢, 唔舒服唔係大晒架, 唔舒服咁又點呀, 既然心情唔好咪唔好番工啦, 坐係到做嘢, 就無啦啦搵我嚟出火, 我都只係想REMIND你地唔好整錯啫, 如果整坐咪又係你地要做多次嘢!

呢個制服女人不停咁晒冧, 仲話可以幫我轉介比主任喎! 轉! 更係轉啦, 我得罪條八婆D咩呀, 咁樣態度嚟同我講嘢! 我唔係要求心臉迎人, 但係都唔使句句都咁冇禮貌呀!

所以我見完主任, 頭先又再打去入境處投訴組到, 又PORT多次條八婆!!!