又係啦, 都唔知乜嘢老母嚟架!!!

上個星期六約左姨甥仔同佢嫲嫲出嚟飲茶, 嫲嫲同我講, 姨甥仔個細佬(係佢個乞衣後母所生)話係佢地出門口嗰時, 係到呼天搶地話: "嫲嫲, 我求下你啦, 你帶埋俊俊出去飲茶啦! 我求下你啦!"

我一聽到, 我就問嫲嫲: "你又話個女人出左去九龍同佢老母飲茶, 乜佢冇帶埋個仔去咩?! 佢求你咁慘, 你咪帶埋佢嚟囉, 我憎佢老母啫, 唔會憎埋個小朋友架!"

嫲嫲話比我知, 個女人係唔會帶埋個仔出去架, 次次同佢老母飲茶, 都唔會帶個仔出去, 所以我唔使休想! 我休想?! 我只係覺得個小朋友都幾慘, 個亞媽同亞婆去飲茶又唔帶自己去, 個亞嫲同亞哥去飲茶, 都係唔帶自己去, 所以其實我姨甥仔都幾幸福, 因為起碼童年我咁錫佢!

嫲嫲話唔帶細佬嚟, 因為細佬攪嘢攪到死, 一食完就要走, 又唔聽講, 而且又咁耐冇見我, 所以想坐耐d, 先唔帶埋佢嚟!

唉~ 我都唔明, 做亞媽點解做到咁, 星期一至五放工已經唔係見個仔好耐架啦, 我都唔明星期六/日乜唔係想對住個仔架咩??? 寧願自己出街都唔會帶埋個仔去! 呢個世界, 真係乜嘢老母都有!