今日行程好豐富, 同嫲嫲梓祐食完lunch, 我地就去左探表弟喇~
一見到表弟, 我就叫滕滕:"拖住表弟啦!" 而滕滕又就第一時間拖住喇, 不過行左一陣, 表弟fig開佢隻手, 因為可能表弟都唔知佢乜水!
真係新屎坑囉, 一話飲水, 大家都要人地食杯嚟飲, 好睬兩個都冇病咋!
玩左個幾兩個鐘, 就跟住落樓下公園再玩過!
玩到成五點走, 行到去輕鐵站, 我同滕滕講: "(我)好攰呀!" 滕滕跟住又跟我講:"好攰呀!" 講完就已經冧左係我心口, 瞓到落車先醒呀!
都好耐冇見過表弟喇, 今日真係玩得好開心呀!!!
2表兄弟都幾似樣喎
回覆刪除[版主回覆05/11/2011 11:23:00]唔似! 表弟成個老豆樣, 滕滕又係一個老豆樣, 一d都唔像樣!
你唔好話佢地細路仔新屎坑呀，我到今時今日，一見到有新杯就會飲水，見唔到有新杯，一啖水都唔飲呀)))
回覆刪除[版主回覆05/11/2011 11:24:00] , 原來你買咁多杯, 就係鼓勵自己飲多d水, 唔怪得你老公唔話你啦!!!
哈哈哈，係呀，我只係會用新杯飲水咋，除非....我就黎渴死啦~~~
回覆刪除[版主回覆05/11/2011 12:17:00]咁我想問, 新杯嘅定義係維持幾耐呢???
哈哈，最短試過一個鐘，因為佢令我飲水濁親，咳咗好耐，我就開始打佢入冷宮喇 ; 最長都試過兩個月架，呢兩個月真係杯不離手架，但有一次攞起隻杯入面無水，我就開始唔鍾意隻杯喇，即係咁，我都識斟水嘅，只不過你認為隻杯有水時，點知佢係無水喎，咁佢即係背叛我啦，咁我洗乜再鍾意佢呀，哼~~~
回覆刪除[版主回覆05/11/2011 12:52:00]隻杯背叛你??? 我覺得係你背叛隻杯多d囉 !
嗱嗱嗱，呢個就係觀點與角度問題喇
回覆刪除[版主回覆05/11/2011 16:18:00]我覺得擺明係你要左人地跟你番嚟, 之後就唔要佢啦 !
哦!!!你講到我係一個始亂終棄嘅人一樣喎，呵呵呵
回覆刪除[版主回覆05/12/2011 11:59:00]唔...........一DD啦, 你就............!