尋日, 家姐打電話嚟話我老豆打比佢佢老豆傾計, 講比我佰佰聽話我地三姊弟同埋佢兩老一斉去泰國, 而且今次仲要同埋我一家去!
我唔知人地, 但係如果係我個家族嚟講, 我就好少聽到d表哥表姐表妹表弟會同d亞爸亞媽出門旅行, 所以我諗今次我嗰兩老, 其實真係開心到飛起!
所以家姐同我講, 我老豆打比佢老豆係到耀武揚威, 因為佢聽到佰佰係到講, 如果d後生有能力請你去, 就更係去玩下啦, 諸如此類呢d嘢! 家姐講完, 我跟住就話, 唔知我地第日老左, 會唔會好似佢兩個(我老豆&佢老豆)咁, 打電話嚟認威, 又話自己嗰個有幾錫自己, 個仔又點對自己好呢!
其實如果第時老左, 兩姊妹傾電話都有講埋呢d嘢, 係到認屎認屁, 其實真係幾開心, 因為起碼第一件事, 就係自己為左仔女付出嘅努力同心機, 係冇白費! 唔知第日老左會唔會係咁呢 
我成日都同爹地媽咪旅行架~~~
回覆刪除[版主回覆05/07/2011 10:06:00]你乖囉，而且加上你老公唔介意！因為我d朋友結左婚之後，都係另一半唔想同另一半嘅屋企人去旅行架！
我個家族中，冇人咁做架，所以我老豆同亞媽今次實散晒出去！
我仲以為個個都係咁添
回覆刪除[版主回覆05/09/2011 23:39:00]唔係架, 所以咪話你乖囉~
咁又係好威既
回覆刪除[版主回覆05/09/2011 23:41:00]我唔知其他人係唔係, 不過我d朋友就多數唔係好鐘意同人地d亞爸亞媽一斉去旅行!
我試過生阿仔前同我阿娘 & 老公 3 個人一齊去西安旅行睇兵馬俑。(我老豆唔鐘意旅行所以無去)
回覆刪除我老公無所謂既。反而問佢帶唔帶 99 去, 佢反而唔想。因為我 99 成日扮勁, 我老公都頂佢唔順。不過, 果次旅行, 我地都唔敢話比 99 知我阿娘有去 law ~
[版主回覆05/11/2011 11:20:00]好囉!~ 我終於識番d朋友, 個老公唔係咁衰架囉~!
啲老人都係咁嘞！我都好羨慕你哋可以一家人去旅行 ^^ 好彩我媽咪在生嗰陣都有同佢去過旅行，不過我知道 mami 最想係一家人一齊去旅行，可惜個個都就唔時間，而且我呢份工要新年可以放咁耐，所以我哋未試過一家人一齊去旅行架！
回覆刪除[版主回覆05/18/2011 09:56:00]我都係第一次架咋, 希望唔會嗌住交番嚟啦~