轉變~

呢幾個月, 滕滕識講嘅嘢真係越嚟越多, 雖然係講得唔正, 不過有d冇教過佢, 佢聽得我地講多, 佢有時都無啦啦自己講左出嚟, 例如跌左d嘢落地下, 佢嗰日無啦啦指住同我講: 跌左! 又好似佢掉左架巴士出花糟, 佢又會話: dum 左!

之前佢攞起個電話講, 都係講"wear" , 但係呢幾日, 佢就好清楚咁講"喂"!

仲有, 之前都仲係講star 係"da! da!", 呢幾日, 佢就講"善打! 善打!"

我一聽到佢講"善打" 我就覺得好好笑, 個s音唔識發, 就發左"善"!