上個星期五收到馮小姐個mail, 佢話老闆更改番工時間!
朝早由0900改做0930, 放工由1800改做1730, 逢星期六休息!
上個星期老闆開會嗰時, 佢問更改番工時間覺得點, 係嗰個moment我當然話, 你想點就點囉, 唔使問我架!
老闆話想隔開我同個八婆會計, 唔想我地太多時間見到面有磨擦, 而我就答佢, 跟本由始至終, 我地都冇磨過, 因為大家跟本冇嘢講, 冇嘢講又何來有磨過!
我覺得老闆有呢一樣嘢嘅舉動, 一嚟可以話比個八婆知, 因為想留佢, 所以縮短放工時間, 二嚟又可以另我條氣順d, 因為我之前同佢講過星期六番嚟都冇用, 因為冇嘢做!
好! 一石二鳥! 雖然係咁話, 不過我條氣都仲未順, 所以尋日我冇搵過老闆, 而老闆過嚟同我講嘢, 我都係好認真, 一d笑容都冇! 今日, 我有嘢搵佢, 不過都仍然都係好認真!
wow... 妳就爽啦...
回覆刪除[版主回覆05/27/2011 12:43:00]爽.........都ok啦, 對我嚟講都唔係太大分別, 因為我番到屋企都仲會睇公司mail!
其實你老闆真係對員工好好!! 星期6唔使返真係多返好多私人時間用 ga! good!
回覆刪除[版主回覆05/27/2011 12:44:00]星期六唔使番又真係都幾好嘅~ 因為星期六直頭係冇嘢做, 好多時我番到公司都係行蓆係地下再瞓!
你就好la...羡慕死我
回覆刪除[版主回覆05/27/2011 12:44:00]ok啦, 不過我唔同你喎, 我連唔同個八婆會計食飯都要比人話, 你唔會喎~
發達喇~~~
回覆刪除[版主回覆05/27/2011 12:45:00]ok發啦, 平日佢頭尾縮短一個鐘都唔係有太大分別, 只係星期六個感覺好d啫~
置頂嗰個video 我仲以為騰騰烚眼訓添....
回覆刪除[版主回覆05/27/2011 12:47:00]你有冇攪錯呀, 佢咁啤我法都以為佢恰眼瞓 !
正呀...呢份工做一世都願喇^^
回覆刪除以後可以多日陪滕滕喇~
[版主回覆05/27/2011 12:48:00]願??? 但係我而家比人干涉我人生自由喎??? 我而家唔鐘意對住邊個食飯都唔得!!!
開心晒啦!你老闆真係唔話得呀!又多咗時間陪滕滕,開心啦!
回覆刪除[版主回覆05/27/2011 12:48:00]佢係就係唔話得, 不過十分之大男人呢!!!
淨係返工時間已經好正喇...
回覆刪除[版主回覆05/27/2011 16:08:00]我又唔覺得有咩特別啫, 而家出面好多公司都係咁架啦, 我地已經遲左喇!
都唔係呀，唔駛返星期六嘅話，星期一至五係朝９晚６架~
回覆刪除[版主回覆05/28/2011 10:24:00]尋日老闆又叫我開會喇，因為我番嚟咁耐塊面就黑足咁耐呀!
佢話佢知我唔老黎，所以番093O係就我架！就我？！我就又真係唔係好信喇！