唔知而家先嚟割, 會唔會太遲? 因為我真係好唔想同馮小姐講嘢, 因為佢講嚟講去都係講嗰d嘢, 我真係真係真係好唔想再聽!
聽日番左公司跟住就出左去整嘢, 我成機send msn比佢, 話我趕唔切番嚟叫佢自己食飯, 因為我唔想同佢一斉出去食, 我唔想再聽佢講佢d嘢, 所以尋日lunch 番嚟, 成day 都冇講一句嘢, 有嘢要做, 都係用msn!不過,今日避唔到, 食lunch又要對住佢!
馮小姐真係好練煩, 佢個工人同個agent 簽左約, 逢係勞工假都冇得放假, 亦都冇錢補, 但係咁樣係犯法架嘛, 馮小姐想攞人便宜而且又唔想比錢, 由佢個工人第3個月開始(即係今年3月), 足足問到我而家, 問我如果個工人陰佢, 咁佢係唔係好麻煩!!!
我真係好唔想答佢, 由第一刻開始, 我都講, 如果你夠膽, 唔怕你咪照唔比錢佢囉, 不過犯法之嘛, 如果你咁驚, 咁你咪唔好偷雞囉~ 咁簡單嘅嘢, 佢今日又再問我!
佢問, 如果佢照比個工人放假(即係唔OT), 但係個工人屈佢話太太要佢OT, 咁點喎! 你話佢個腦係唔係JOY 屎架!!! 只有你迫個工人番工但係又唔比錢佢, 個工人先屈你爆你出嚟啫! 你比佢放假, 佢仲乜無啦啦屈你呀! 冇嘢吓嘛~~~!!! 佢話個工人唔想放假想OT, 但係佢又唔想比多EXTRA 個工人, 所以佢想比個工人放假, 但係就怕個工人係放左假, 但係就屈佢要比OT錢喎!
你話馮小姐係唔係上腦呀!!! 所以可唔可以唔好再同我講嘢呀, 我唔97想答呀!!! 問埋D嘢跟本就唔係人問嘅問題!!!
你唔同佢講野, 你老闆又會話你 ga la ~ 可能你呢排壓力大, 太多負能量, 去旅行輕鬆下先 la ~ 唔好唔開心啦!
回覆刪除[版主回覆05/18/2011 09:46:00]我都有講同老闆講, 我就嚟連佢(馮小姐)我都唔想講嘢, 因為佢似熟賣熟, 有時公私不分, 不過你講得啱, 你話我使乜當佢係姐妹啫, 你當佢係同事, 就唔使同佢咁計較, 所以我先想同佢割蓆, 因為我想同佢距離遠番d!
唉！你同佢講 : 唔做犯法嘢咪唔駛煩囉！又要驚又要搵著數，係咁架嘞！問嚟問去，答案都係一樣，唔好自己呃自己！
回覆刪除[版主回覆05/18/2011 09:48:00]我之前已經同左佢講, 你唔想煩咪比佢放假囉, 但係佢又想攞人著數呀, 所以我咪頂佢唔順囉! 問問問, 成日都問!!!
不如你索性同佢講，我唔識再答你呢啲問題，你自己問勞工處啦
回覆刪除[版主回覆05/18/2011 09:50:00]我之前都已經同佢講左啦, 話雖然你個agent話同佢簽晒contract, 但係你夠薑就比勞工處睇下你咁做得唔得囉, 如果你想挑戰香港法律, 冇問題架! 佢其實知道係唔得架啦, 但係又唔想蝕, 所以佢星期一問我嗰時, 我都答得佢好悔氣!
咁下次答佢唔撚知啦
回覆刪除[版主回覆05/18/2011 11:04:00]我尋日咁悔氣答佢, 段估佢唔會仲問我啦~ 唔係唔知醜成咁吓嘛!!!
你聽日飛，應該唔會問你住，等到你返黎一見面，即刻問返你
回覆刪除你記住呀，無人見到你時要放鬆肌肉呀
回覆刪除[版主回覆05/18/2011 16:10:00]放心! 放心! 我尋晚番屋企見到滕滕之後, 都已經放鬆左喇, 除左見到d唔想見嘅人之外!
無錯! 當佢係同事 only, (盡量) 唔將佢既野唔好上心 / 身。
回覆刪除[版主回覆05/18/2011 17:29:00]我而家努力中, 加油! 加油!