尋日同老公結婚10週年, 因為老公要番工, 所以今晚先補番食飯!
10年, 咁就10年, 不過呢10年, 未生滕滕之前好似開心D, 生左滕滕, 老公成日都番工, 大家好似冇乜溝通過, 而且, 仲覺得大家好似遠左!
人地以為, 生左BB, 一家三口, 覺得應該幸福快樂, 不過就係因為多左一個, 家庭開支大左, 老公就不停咁OT, 一個星期, 都唔知見到佢有冇3/4晚, 有時仲有兩三日冇見面, 以前都有SWEET感覺, 而家呢, 好似唔覺, 又點會幸福左?! 多左一個人, 又多左個工人, 屋企就多左個陌生人, 好多嘢都唔同, 唔可以鐘意點就點, 種感覺而且仲要就住就住!
係唔係因為生左仔, 放假都唔去得邊架啦, 咪又係湊滕滕, 放左工又即刻番屋企, 所以我覺得老公少左關心我! 我有同佢講過我嘅感受, 不過佢好似冇咩反應, 又或者答我佢唔覺!
咁我可以點?!
你又係為咗呢啲唔開心?唔好鑽牛角尖啦，傻女!!!
回覆刪除[版主回覆05/16/2011 14:36:00]唔係鑽牛架, 因為真係比佢忽略左架! 因為佢而家好似唔多使理我咁~
我都有類似既感覺, 我成日話我老公要仔唔要 "也母" 。 佢話唔係 wor ~ 我都有為呢 d 野唔開心 ~
回覆刪除[版主回覆05/16/2011 14:37:00]係唔係因為我地已經走唔甩, 又唔可以去到邊呢?!
我見你一家人開開心心出街，有時又會撐枱腳喎
回覆刪除[版主回覆05/16/2011 15:03:00]呢d嘢好表面~
其實換個角度睇，你老公好鍚你地，佢肯犧牲自己啲時間，為咗妻兒生活安好~~~
回覆刪除[版主回覆05/16/2011 16:29:00]一般啦, 但係我又唔見得有幾安好, 同以前都係差唔多, 只不過係佢收入多左, 佢開心d, 唔係我!
十週年，開心啲嘞！
回覆刪除初初個女出世，我都覺得兩公婆好似無乜嘢講咁！因為我又忙住湊女唔得閒理佢，佢叫我出街食飯我又唔願，出到街食又催佢快啲食跟住返去睇個女；但家下臭豬大咗，反而我哋嘅話題又多咗喎！
你試下久唔時約下老公食飯 (當然唔帶 滕滕 去嘞)！嗰餐飯應該會食得好輕鬆又開啲架 (我有時都會約我老公食飯架)！
[版主回覆05/17/2011 00:45:00]可能真係多d二人世界會好番d! 不過我真係好唔捨得唔帶埋滕滕呀~!
佢收入多咗，咪唔洗你憂柴憂米囉
回覆刪除[版主回覆05/17/2011 10:38:00]但係就溝通少左囉~