去旅行咁多日, 就唔夠瞓咁多日, 每朝早要早 morning calling 一個鐘頭起身, 一嚟我自己要梳洗整頭化妝, 二嚟要煲定水洗奶樽&沖奶, 同埋如果轉酒店就要執嘢啦, 所以夜晚又夜瞓, 朝早又要一早起身, 想唔作病就奇啦!
不過都算好啦, 比我預期遲左, 番到嚟hk第二日先嚟料!
尋日黃昏開始, 個喉嚨就已經開始痛, 番到屋企就開始骨痛, 所以我都即刻食藥喇! 如果成左藥可以唔使睇醫生就更加好啦, 不過去到半夜, 個喉嚨已經痛到腫晒, 心知第日一定要去睇醫生喇!
所以今朝請左半日假, 下午先番公司! 尋晚已經同滕滕一斉瞓, 因為我想快d好, 所以睇嚟呢幾晚都要早d瞓喇~!
休息唔好,咪會咁囉,你都真係要好休息下啦!
回覆刪除[版主回覆05/28/2011 10:11:00]係喇！星期六今日真係要抖下，聽日工人放假又冇得抖喇！
唔好傳俾滕滕呀! 休息多D, 飲多D水啦!
回覆刪除[版主回覆05/29/2011 17:33:00]差唔多好番喇, THX !
你不如徹徹底底，去睇一次中醫，調理下個身體吖，成日都睇醫生，我都鄧你辛苦呀)))祝你身體健康
回覆刪除[版主回覆06/01/2011 11:21:00]一講調理就唔止去一次, 我邊有咁多時間去吖, 有我都去左fast walk 先啦!
公司附近有無中醫師呀?
回覆刪除[版主回覆06/01/2011 12:05:00]公司附近冇嘢, 全部都係工廠, 如果要去, 就要行15分鐘上商場喇! 而行上去嘅路程, 頭段係冇瓦"傘"頭, 晒到亞媽都唔認得, 行完呢段路就要行兩層咁高嘅樓梯上地鐵! 而呢到只係一半嘅路程! 只係呢兩段路, 足以另到我唔想行啦!!!
你有時咪要買嘢飲嘅，咁順便去睇囉
回覆刪除[版主回覆06/01/2011 12:38:00]去惠康入公司嘢, 都係兩個月到一次, 而家就連逢星期一同馮小姐上去商場食飯, 我都唔想, 因為我唔想對住佢! 唉!
唔想對住佢就各有各買啦
回覆刪除[版主回覆06/01/2011 15:38:00]呢個星期都係食完各有各行啦! 因為我話我要去整嘢, 叫佢自己番公司先!