今日係母親節, 對我嚟講冇咩特別, 因為老公就算唔使番工, 佢都唔會同我慶祝, 因為佢可能都唔覺得我係一個母親, 而且佢一D都唔覺得我陀得好辛苦、我生得好辛苦、我湊得好辛苦!
咁又係, 就算我係順產, 產完之後我都只係覺得係不外如事, 而且滕滕所有嘢都係係我掌握之內, 更何況滕滕其實又唔係好難湊, 所以就連我自己都唔覺得有D咩要同自己慶祝!
老公要番工, 咁我同滕滕就自己搵節目啦, 就係去左契妹屋企玩喇!
唔係自己地頭就真係唔同D, 滕滕一入屋, 就同我講驚驚喎! 唔知係間屋有問題, 定係屋裏面D人有問題呢
今日, 又玩到成十點先番到屋企呀!
我開口問我老公點同我慶祝, 佢好直接答我 "無 wor~"
回覆刪除之後先攞張 o係 playgroup 做既 mother's day card 同我講 係佢同阿仔整比我 ga wor! 吹脹!!
[版主回覆05/11/2011 11:29:00]係唔係老公係唔會同老婆慶祝mother's day 嘅呢?! 定係mother's day 跟本就只有仔女同亞媽慶祝架? 咁如果d仔女唔生性, 咁咪唔使指意有人同我慶???
係澳門我直接開口同c6講, 唔知會唔會有人買個母親節蛋糕俾我呢??佢就答你想要咪買囉><真係一D情趣都冇...好無癮...
回覆刪除[版主回覆05/11/2011 11:31:00]d男人真係架, 拍拖嗰時就乜都就晒人地, 而家, 你想唔得架, 要問先得!
你個契妹睇到呢篇blog,會唔會嚇親佢架?
回覆刪除[版主回覆05/11/2011 11:31:00]哈! 嚇襯佢? 唔會! 因為我入到佢呢間新屋, 舒服過以前嗰間好多!
情趣係自己搵架嘛.
回覆刪除好似我咁. 母親節嗰日. 放個屁都話係慶祝緊.. 明明晚晚都要食飯, 就問佢: 咦?! 你今晚同我邊度慶祝母親節, 食母親節飯啊??
又明明餐餐都係佢埋單, 仲要加一句: 哈哈. 多謝你哩餐母親節餐喎!!
最好笑係佢又有反應喎：係喎！！今餐點解又係我比錢架．應該mango黎埋單架嘛.!!!!
[版主回覆05/11/2011 16:22:00]我知道同明白: 情趣係自己搵!
不過唔係只係我一個人就可以有架! 以前未生, 老公都仲會, 不過生左, 老公d情趣唔知去晒邊!
我真係俾你嚇親喎
回覆刪除[版主回覆06/06/2011 23:49:00]佢肯入嚟, 你唔使驚啦~