好耐冇見過梓祐同嫲嫲, 所以今日約左佢地出嚟食lunch!
呢個衰仔梓祐, 真係衰仔嚟架, 係fb留左message比佢, 佢叫打比我, 打左起碼兩個星期都唔打嚟! 只係嫲嫲星期三打嚟, 我先可以同到佢講嘢!
係飲茶途中, 大家好似平時咁講下呢樣講下嗰樣, 一陣我又問下佢番學點, 又問佢cool牙cool成點! 講講下我就成機問佢, 仲咩佢 FB個status到 blk左我! 起初個衰仔就答我佢呢排好少上, 跟住我就問佢, 你好少上咩, 點解係舅父嗰到就睇到你d嘢, 而我嗰到就睇唔到?! 我又問佢你同我講大話我知架, 你唔好當我流!
唔知係唔係青春期呢? 又或者男仔同女仔真係唔同,因為呢條友仔, 真係冇乜人情味! 嫲嫲同我講, 佢番左自己屋企幾日, 個衰仔都一個電話都冇, 所以叫我唔使傷心!
唔好講男仔喇, 我個姨甥女呀...call親佢都唔點覆架...有次想搵佢拎蛋糕, 我知佢鐘意食嗎...放咗係雪櫃4日先搵到佢...佢一知道有蛋糕食...放學後即刻企咗係我屋企門口呀!
回覆刪除個衰女包...以前放親假都黐住我哋2個阿姨同埋舅父架, 但而家所有family gathering都唔見人咁滯...call又幾日後先覆><
[版主回覆05/11/2011 11:18:00]佢幾日後先覆你, 我嗰個直頭冇影呀! 不過唯一一樣共通, 就係有嘢送比佢, 佢就蒲頭喇! 衰到冇人有!
噢!!!佢開始嫌你煩喇~~~咁點算好呀)))
回覆刪除[版主回覆05/11/2011 11:19:00]青春期~ 我都唔知點算, 佢唔想聽, 就盡量講少d囉, 唔係點呀~!
多啲關心佢又嫌你煩，少啲關心又怕佢學壞.........唉~~~~~~~~~~~~~~~
回覆刪除[版主回覆05/11/2011 12:19:00]冇辦法啦, 青春期d青少年係咁架喇~ 所以做父母最頭痕應該係呢個時候!
算喇...佢哋大個喇, 有自己朋友同生活模式, 唔再需要我哋架喇...我哋要調節下自己嘅心態~
回覆刪除[版主回覆05/12/2011 22:18:00]真係要調下!!! 我自己!!!