直至今日為止, 我仍然都係冇乜同馮小姐講嘢, 因為我覺得咁樣真係好舒服, 唔使聽佢講佢屋企d嘢!
尋日出去食lunch, 馮小姐同我講佢星期六去飲, 撞到我姨甥仔個乞E後母, 佢一路講, 我都冇乜搭口, 只係問左一句: "佢而家個樣係唔係都仲係咁核突?!" 除左呢句, 我冇搭過訕, 如果你係佢, 你仲會唔會繼續再講呀?!
真係一個迷囉, 唔知係唔係佢想同我講番嘢, 定係佢真係蠢得咁交關唔知我唔想同佢講嘢, 佢仍然都繼續同我講, 講講講, 講到飲完走去搭車, 跟住又講懶到講佢姑奶, 話佢姑奶要佢地早D番去, 唔想個工人太夜上去佢屋企喎!
唉~ 咁都比佢講左小小!
下次扮講電話閘住佢
回覆刪除[版主回覆06/03/2011 11:35:00]咁都要有人咁啱打比我先得架!
扮攪咗震機囉
回覆刪除[版主回覆06/03/2011 15:28:00]佢直頭係我隔離, 點扮呀, 我攞電話出嚟嗰時佢望到架嘛~ 仲有, 如果萬一聽聽下電話嚮, 咪"羅"爆 !!!
OK咁扮打電話比人，其實打去聽六合彩結果
回覆刪除佢連睇人地眉頭眼額都唔識架??????????佢以前點生活架!!!
回覆刪除[版主回覆06/06/2011 12:02:00]佢以前咪就係比人攪嗰隻囉, 日日做到8/9點先有得走, 仲要係唔麻煩都唔比佢做嗰隻, 佢連亞姐都唔幫佢架! 所以我咪就成日都話, 我救左佢出嚟, 佢都唔會唔該我一聲囉!
咁佢係人地眼中係黑人憎個類喎
回覆刪除[版主回覆06/07/2011 22:49:00]D人好似盲架, 好似個個都唔知佢份人係咁, 我都唔明, 佢做嘢咁死慢, 都冇聽過人講佢咁!
我好怕啲人拖慢功夫黎做，佢會阻慢咗成個流程，我接受唔到
回覆刪除[版主回覆06/08/2011 14:16:00]佢仲要好唔知醜咁同我講, 佢已經快左好多呢, 只不過係我要求高喎! 大佬, 改幾個字都要半個鐘, 我唔知人地D要求係唔係去到咁低囉~
你不如睇下佢做，點解可以咁慢
回覆刪除[版主回覆06/08/2011 14:37:00]我可以望到佢, 不過我都唔知佢攪咩, 望住個mon都可以望幾分鐘! 如果下下要我係佢隔離睇住佢做嘢就冇引啦~
哼，如果我趕住出單，遇著呢啲人，我真係會激到彈起
回覆刪除[版主回覆06/08/2011 17:33:00]都係我自己攞嚟架!!!
算啦，當初我諗你都想像唔到原來係咁差囉
回覆刪除[版主回覆06/09/2011 11:24:00]更係啦, 如果我知道佢做嘢係咁7慢, 我一定唔會搵佢囉!
你同我都一樣, 最好快快快, 我地d快人對住d豬, 一定頂唔順架, 所以如果知道都仲搵佢, 就直頭抵撚死啦!!!