上個星期同亞媽討論, 已經有火, 事原係因為姨丈過左身, 亞媽好勞氣咁話我d表哥表姐不考, 連攪殯儀法事都唔做好不孝!
我一聽到, 我問亞媽係唔係姨丈同表姐表哥佢地講唔好大攪, 佢自己都唔想舖張, 又或者佢地本身親戚唔多, 唔想咁煩攪咁多嘢呀! 亞媽一聽到我咁講就好唔認同, 佢話姨丈養大六個仔女, 個個都咁不孝喎! 仲要養到個個咁大, 就咁買張蓆包住個老豆就算喎!
呢d咪叫代溝囉! 因為我好唔認同亞媽咁講, 因為佢又唔係姨丈嗰家人, 又唔係人地屋企人, 可能姨丈臨去之前講落左唔好攪大呢, 哦, 就係因為要對住我亞媽呢d咁嘅親戚, 所以連死嗰個人嘅意願都唔可以跟? 因為如果唔係, 仔女就比人話不孝? 我又想問, 就係因為咁樣而代表不孝呀? 唔係亞化?????????????
頭先, 我聽到亞媽打電話去唔知邊到話買張念左經嘅被, 我就忍唔住同佢講: 啱晒你意思啦, 就係因為你地呢d親戚, 所以可能連死左嘅人個意願都唔可以聽啦!
唔係好明, 亞媽仲二話不說, 好堅持咁話我d表姐表哥不孝, 個個搵到錢都唔同老豆攪得好d! 又講多次, 養到個個咁大, 個個都冇人性!
係呢一刻, 我真係忍唔住發火囉, 我問亞媽:
1)請問你係唔係佢地一家人? 請問你有冇聽過姨丈講, 死左係唔係唔想攪?
2)請問人地一家人嘅事, 關你咩事? 請問你幾時轉左姓郭呀???
3)你成日係到計數, 話養到個個咁大都咁不孝, 咁我就同你計: 以前養仔女頂晒都係養到十八九歲跟住就出嚟做嘢, 之後就倒番轉要養番你地, 我想問下計落條數, 邊個蝕d??? 以前d人鐘意早生仔, 咁計落, 好似掉番轉, 養大一個小朋友要廿年, 但係廿年後, 最少要養番你地最少四十年, 請問邊個so d 先???
4)你話死左唔攪大就不孝, 咁即係生前對你幾好多冇用啦??? 咁係唔係即係代表生前唔使對你咁好, 死左就同你風光大葬就代表好孝順先????
我真係好唔明, 點解亞媽咁唔化!!!
有時上一輩嘅諗法真係好難明,固執!!!
回覆刪除[版主回覆05/06/2011 10:01:00]尋日我同個長輩講番呢件事, 佢解釋比我知呢d就係傳統思想, 因為亞媽係舊一代人, 所以佢地呢d想法係正常喎! 而我地, 就係新一代嘅諗法!
所以個長輩同我講, 叫我唔使再同亞媽嘈, 因為佢地嗰一代嘅人就係咁, 講極都唔會明, 又唔同認同我地, 咁我跟住就講: 即係唔化!!!
固執，我成日話我爹地固執~~~
回覆刪除[版主回覆05/06/2011 10:43:00]我亞媽以前唔係咁, 而家越老越頑固! 反而我老豆就相反, 自動呢幾年同佢講番嘢之後, 佢成日就叫我唔好嬲亞媽, 明知佢唔識講嘢又頑固, 叫我唔好記係心!
哈哈，我同你啱啱掉轉，我爹地以前好容易話為，退咗休之後成日坐係屋企睇電視，就開始變固執，其實，我有站係佢角度睇過，固執係自我保護一種，佢怕自己接受唔到新事物，開始封閉對外嘅一切，佢只會諗一啲做一啲佢識同啱嘅嘢，當然佢唔進步，係我地眼中佢係原地踏步，甚至退步啦。所以有時掙持激烈時，我會先唔再出聲，佢有佢繼續講，我有我繼續做囉，無謂嘥氣講一啲佢唔會諗得通嘅事咯。
回覆刪除[版主回覆05/06/2011 11:16:00]其實佢都睇電視, 應該係有接觸社會, 應該係開通先係! 同我亞媽一樣, 佢成日去佛堂, 接觸嘅人多不聲數, 又講經又講道理, 應該係好明白事理先係, 不過就剛剛完完全全相反!!!!!!!
我到咗佢地嘅年齡之後，我諗我會明囉，哈哈哈
回覆刪除