咁又唔得, 咁又唔得, 咁咁咁又唔得!!!!!!!!!!

今晚放工, 老闆叫我留抵, 佢話要同我開會! 開會, 係因為個仆街會計今日遞左resign letter, 而我呢, 就係比人話嗰個!

個仆街會計係過年前同老闆講, 因為我annual leave太多, 唔知點計, 跟住老闆為左好似公平d, 就叫個會計同我清晒佢, 係我份double paid到扣, 扣淨得番千八蚊比我, 雖然老闆私底下有比番我, 不過因為我覺得個會計til 起件事去攪我, 而馮小姐放產假又私自唔扣佢變左五份四, 所以我就係因為咁, 條氣好唔好唔順, 就唔再同個會計講嘢! 因為我原本都已經好憎佢, 順理成章, 我就真係可以唔使再同佢講嘢, 食飯都唔入會議室食! 而馮小姐見我咁, 佢就跟我一樣, 亦都唔入去同佢一斉食!

平時係office, 我都好串下, 句句同馮小姐講嘢有骨嚟單打佢, 因為個會計係老闆面前擦鞋, 係到扮可憐, 而另到我就更加憎佢, 講嘢句句都單爆佢!

老闆今晚話我好唔同佢一斉食lunch, 擺明唔妥佢唔得, 乜我唔撚鐘意一個人, 唔想對住佢食飯唔得咩???

老闆又話我, 話我好因為扣double paid件事而唔同佢講嘢唔得, 乜佢攪我而另到我扣晒錢, 我嬲都唔得咩???

老闆又話我, 明知佢咁大年紀都未結婚, 又仲係單身, 做埋d嘢自私到死, 唔使理人, 而我同馮小姐唔鐘意佢做嘢都損人不利己就唔得, 乜我對一件事嘅睇法唔認同都唔得咩???

以上種種嘢佢都話我唔啱, 因為就係因為我做到出面唔鐘意佢, 攪到好似迫走佢就係唔啱!

我話我係好唔鐘意佢, 點解我唔想對住佢, 唔同佢一斉食飯都唔得? 點解我唔鐘意d人好似個會計咁擦鞋都唔得? 點解我唔可以選擇唔鐘意一個人唔得???

係對話當中, 我真係好撚興咁直接講我真係好唔鐘意對住佢, 點解我唔想同佢食飯都唔得? 係唔係我唔可以做一d 我自己唔想做嘅事? 點解要迫我對住一個好咁唔鐘意嘅人!

老闆講明佢想留佢, 因為雖然個會計個人性格衰, 但係係工作方面佢做得好好, 佢唔想又新一個新人番嚟, 因為佢知道到頭嚟都未必會冇事! 而我, 亦都講到明, 既然我同個會計大家都冇計傾, 咁好正常咪唔好傾囉, 話不投機半句多, 咁點解冇計傾都唔可以咩???

我問老闆係唔係想我聽日烚熟狗頭咁對住佢, 係唔係要我好寬容咁要我聽日邀請佢一斉係會議室食lunch先? 老闆話佢唔係要我咁樣做, 而係一間公司, 得3個人係唔係要咁樣大家不理不睬喎! 咁我又再問, 不如直接d想我點樣做呀? 使唔使我扮死狗呀?

離開公司, 係巴士到, 個心好唔舒服咁就喊左出嚟, 因為老闆好大男人, 佢想我順佢意, 唔好再憎個會計, 唔好再唔同佢食飯, 唔好再單打佢! 但係我個心就同頭先同佢講嘅一樣, 點解我唔鐘意一個人, 都唔可以唔同佢講嘢? 點解我唔想見到一個人, 都要迫住同佢一斉食飯? 點解我唔鐘意一個人都唔得???