戒片中~

其實同bb戒片, 真係唔係一件易事, 最少半個鐘要叫佢一次VV, 我個滕滕呢, 就要密D, 因為佢成日飲水, 飲襯都一大杯, 放假嗰兩日, 我隨15分鐘就要叫佢一次!

D工人靠唔住就更架喇, 之前問過佢有冇試過同BB戒片, 佢話有, 咁我就大安指意比佢啦, 點不知都係一個字: 懶! 因為佢唔會好似我咁, 密D叫滕滕痾VV, 到滕滕瀨左尿, 就要洗褲仔, 要做咁多嘢, 佢寧願同佢著片褲!

如果唔係因為就嚟夏天, 我都可以尤得佢, 不過天氣開始熱啦, 條片褲幾鬼厚先得架! 所以我同左個工人講, 我唔再買片架喇, 日抖要同佢著戒片褲呀, up到個pat pat 出晒汗!

個工人好似好無奈咁同我講: "bb成日都瀨尿呀, 次次都係瀨左尿先同我講話VV!"

又話試過同BB戒片! 個個BB戒片都係咁架啦, 如果唔係使乜要學啫, 咪話我話你懶到死!!!